Տևական ժամանակ է՝ Երևանում երթևեկությունը կաթվածահար է. Դանիելյան
ԱԺ նախկին պատգամավոր Գառնիկ Դանիելյանը իչ Ֆեյսբուքյան էջում գրառում է կատարել.
«Տևական ժամանակ է՝ Երևանում երթևեկությունը կաթվածահար է։ Կանգառներում հարյուրավոր մարդիկ սպասում են հանրային տրանսպորտին, որը հաճախ այնքան գերբեռնված է լինում, որ անգամ ոտք դնելու տեղ չի մնում։ Նույն իրավիճակն է նաև Երևանի մետրոպոլիտենում։ Եվ այսպես՝ ամեն օր, ամեն ժամ։
Երևանցիների համար քաղաքում տեղաշարժվելը դարձել է ամենօրյա փորձություն։ Մարդիկ ստիպված են ժամեր կորցնել խցանումներում՝ ուշանալով աշխատանքից, ուսումից և իրենց առօրյա գործերից։
Կանգառներում ու հանրային տրանսպորտում չես տեսնի այս իշխանության որևէ ներկայացուցչի։ Հետաքրքիր է՝ փորձե՞լ է արդյոք Տիգրան Ավինյանն օգտվել իր «բարեփոխած» հանրային տրանսպորտից։
Երևանի քաղաքապետարանի տրանսպորտի վարչության աշխատակիցները ևս պարտավոր են անձամբ օգտվել հանրային տրանսպորտից՝ տեղում արձանագրելով այն խնդիրները, որոնք հետևանքն են ոլորտի վատ կառավարման։ Մինչդեռ, վերջիններս երթևեկում են կամ սեփական ավտոմեքենաներով, կամ քաղաքապետարանի տրամադրած հատուկ ավտոբուսով։
Հանրային տրանսպորտի սակագնի թանկացումը որևէ կերպ չի լուծել առկա խնդիրները։ Ավելին՝ գերբեռնվածության հետևանքով քաղաքացիները հաճախ չեն կարողանում տեղավորվել ավտոբուսներում, իսկ երբեմն էլ՝ ստանում են մարմնական վնասվածքներ։ Սա անարժանապատիվ և նվաստացուցիչ իրավիճակ է։
Երևանցիների հանդեպ սերը պետք է դրսևորվի ոչ թե տոնակատարություններով, այլ այս խնդիրների լուծման ուղղությամբ իրական ջանքեր գործադրելով։
Եվ այս ամենի ֆոնին՝ հունվարի 1-ից Երևանի քաղաքապետի և քաղաքապետարանի պաշտոնյաների աշխատավարձերը զգալիորեն կբարձրանան։
Ավինյանի ամսական աշխատավարձը ներկայիս 1 միլիոն 320 հազար դրամից կհասնի 2 միլիոն 80 հազարի։
Քաղաքապետի առաջին տեղակալի աշխատավարձը կբարձրանա շուրջ 894 հազար դրամով, իսկ մյուս տեղակալներինը՝ շուրջ 878 հազարով:
Երևանն իսկապես հայտնվել է ճգնաժամի մեջ, որը հաղթահարելու համար իշխանափոխությունը խիստ հրամայական է»։


















































Տրանսպորտի գինը կարող է բարձրանալ ընդամենը 10 դրամով. Ավինյան
Ընտրովի հետապնդումների աճող միտում ու ժողովրդավարության հետընթաց. DW-ն անդրադարձել է Արթուր Դանիելյանի կալանավորմանը
ՔՊ-ն օրակարգ ունի, անկախ նրանից, թե դա իրենց օրակարգն է, թե` Ադրբեջանի. Դանիելյան
Ձերբակալվել է նաև ավտոբուսում տեսանյութը նկարահանած կինը
«Բայազետ հոլլ»-ում հարսանեկան արարողության մասնակիցներից երկու անչափահաս «Ինֆինիտի»-ով վթարի են ենթա...
Հ1-ի տաղավարում ծեծկռտուք է եղել․ «Հրապարակ»
Որո՞նք են այն հիմնական նախանշանները, որոնց դեպքում մարդը պետք է դիմի բժշկի
Եթե Հայաստանում իրավիճակն իրոք այնքան լավ է, ինչպես ներկայացվում է, ապա ինչո՞ւ են հազարավոր հայեր գե...
Այսօր խոշոր ավտովթար է տեղի ունեցել Գեղարքունիքի մարզում
Փոխոստիկանապետն ասաց՝ եթե ուզում ես ընտանիքդ ապահով լինի, պիտի ասես, որ դու ես արել. Վալոդյա Գրիգորյ...
«Երևան ավտոբուսը»՝ 13 տարեկան անչափահաս աղջկան ավտոբուսից իջեցնելու դեպքի մասին
Վաղարշապատում 15-ամյա աղջիկների վեճը տղայի պատճառով չի եղել. փաստաբանի պարզաբանումը
Ավտոբուսը վարելիս մահացել է 22 համարի երթուղու վարորդը
Մասիս Մելքոնյանին գաղտնալսե՞լ են