Politico․ ԵՄ-ն մտնում է «քաղաքական փոթորկի» փուլ
Եվրամիության երկրների առաջնորդները համայնքի գագաթնաժողովում չեն կարողացել որևէ նշանակալի որոշում ընդունել, ինչը վկայում է ԵՄ քաղաքականության մեջ «կատարյալ փոթորկի» սկզբի մասին։ Այս մասին, հղում անելով աղբյուրներին, հայտնում է եվրոպական Politico պարբերականը։
«Եվրամիությունը մտնում է կատարյալ քաղաքական փոթորկի փուլ»,- նշվում է հրապարակման վերնագրում։
Պարբերականի փոխանցմամբ՝ ԵՄ-ի առջև ծառացած խնդիրներին, որոնք կապված են 2028-2034 թվականների բյուջեի շուրջ տարաձայնությունների հետ, ավելանում է նաև ներքաղաքական ցնցումների հետևանքով առաջացած «իշխանական կաթվածը»։ Իրավիճակն ավելի է բարդացնում Իսպանիայում, Ֆրանսիայում և Իտալիայում սպասվող ընտրությունների հանգամանքը, որոնց արդյունքները կարող են ազդել համայնքի առանցքային որոշումների վրա։
Պարբերականի անանուն աղբյուրներից մեկը կարծում է, որ 2027 թվականին իրավիճակը «միայն կվատթարանա»։ Մեկ այլ աղբյուր ընդգծել է, որ Եվրոպան շարունակում է մնալ առանց ակնհայտ առաջնորդի, որը համադրելի կլիներ Գերմանիայի նախկին կանցլեր Անգելա Մերկելի կամ Ֆրանսիայի նախկին նախագահ Ֆրանսուա Միտերանի հետ։
ԵՄ գագաթնաժողովն անցկացվել է Բրյուսելում՝ հոկտեմբերի 15-16-ը։ Երկօրյա հանդիպման ընթացքում միության առաջնորդները չեն կարողացել համաձայնության գալ 2028-2034 թվականների բյուջեի շուրջ՝ հարուստ դոնոր երկրների և ավելի քիչ բարեկեցիկ՝ օգնություն ստացող պետությունների միջև առկա սուր տարաձայնությունների պատճառով։
Դոնոր երկրները մերժել են Եվրահանձնաժողովի՝ 1,76 տրիլիոն եվրոյի բյուջետային նախագիծը, որը նախատեսում էր ռազմական ծախսերի ավելացում։ Միևնույն ժամանակ, օգնություն ստացող երկրները չեն աջակցել բյուջեն 8 տոկոսով կրճատելու այլընտրանքային առաջարկին։
Եվրոպական խորհրդի նախագահ Անտոնիու Կոշտան պետք է փոխզիջումային առաջարկներ մշակի ԵՄ արտահերթ գագաթնաժողովի համար, որը նախատեսված է նոյեմբերի վերջին։


















































Քաղաքական իրադարձությունների ժամանակ հանրային ծառայողները չպետք է դառնան մեկ քաղաքական ուժի քմահաճույքների իրացման գործիք․ Վարդևանյան
Կարմիր կովն իր կաշին չի փոխում. Ալեքսանյան
Զելենսկին այլևս չունի որևէ ապագա. Բադալյան
Միջին վիճակագրական քաղաքացին գիտի, որ մեր երկրում անվտանգություն ասվածը միայն թղթի և գովազդային արշավների շրջանակներում է․ Տիգրան Աբրահամյան
Բաքուն արձագանքել է Ադրբեջանում քաղբանտարկյալների և հայ գերիների վերաբերյալ Եվրախորհրդարանի բանաձևին
«Բայազետ հոլլ»-ում հարսանեկան արարողության մասնակիցներից երկու անչափահաս «Ինֆինիտի»-ով վթարի են ենթա...
Հ1-ի տաղավարում ծեծկռտուք է եղել․ «Հրապարակ»
Եթե Հայաստանում իրավիճակն իրոք այնքան լավ է, ինչպես ներկայացվում է, ապա ինչո՞ւ են հազարավոր հայեր գե...
Այսօր խոշոր ավտովթար է տեղի ունեցել Գեղարքունիքի մարզում
Փոխոստիկանապետն ասաց՝ եթե ուզում ես ընտանիքդ ապահով լինի, պիտի ասես, որ դու ես արել. Վալոդյա Գրիգորյ...
Շտապօգնության ավտոմեքենան վրшերթի է ենթարկել փողոցը չթույլատրելի հատվածով անցնող հետիոտնին. վերջինս ...
«Երևան ավտոբուսը»՝ 13 տարեկան անչափահաս աղջկան ավտոբուսից իջեցնելու դեպքի մասին
Վաղարշապատում 15-ամյա աղջիկների վեճը տղայի պատճառով չի եղել. փաստաբանի պարզաբանումը
Ավտոբուսը վարելիս մահացել է 22 համարի երթուղու վարորդը
Մասիս Մելքոնյանին գաղտնալսե՞լ են