Գլխավոր Լրահոս Տեսանյութեր Թրենդ
Հավերժ փառք ու խոնարհում․ այսօր Ռոբերտ Աբաջյանի ծննդյան օրն է Սոցցանցերում Իլհամ Ալիեւի օգտահաշիվները ենթարկվել են կիբեռհարձակման Չեխերը բողոքի ցույց են անցկացնում հանրային լրատվամիջոցների ֆինանսավորման փոփոխության դեմ ՀՀ վարչապետ Նիկոլ Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքին Աստրախանի շրջանում մեկ օրում 31 անօդաչու թռչող սարք է խոցվել Ակրոպոլիսի թանգարանում կներկայացվի Հայաստանի հազարամյակների պատմությունն ու մշակույթը Հորդանանում դատարանը կիրակի օրը մահապատժի է դատապարտել երեք տղամարդու Այսօր խոշոր ավտովթար է տեղի ունեցել Գեղարքունիքի մարզում Mercedes-Benz-ը սառեցնում է ներդրումները Գերմանիայի իր գործարաններում Ռուսաստանի արտաքին գործերի նախարարությունը հայտարարել է, որ Ուկրաինայի ներկայությունը կարող է փչացնել G20 գագաթնաժողովը Պնոմ Պենում տեղի է ունեցել Հայաստանի և Մոլդովայի վարչապետների հանդիպումը Ողբերգական վթար՝ Պռոշյանում. «Volkswagen»-ը կողաշրջվել է, 18-ամյա աղջիկը մահացել է, 2 հոգի՝ տուժել
Հավերժ փառք ու խոնարհում․ այսօր Ռոբերտ Աբաջյանի ծննդյան օրն էՍոցցանցերում Իլհամ Ալիեւի օգտահաշիվները ենթարկվել են կիբեռհարձակման Չեխերը բողոքի ցույց են անցկացնում հանրային լրատվամիջոցների ֆինանսավորման փոփոխության դեմՀՀ վարչապետ Նիկոլ Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքինԱստրախանի շրջանում մեկ օրում 31 անօդաչու թռչող սարք է խոցվելԱկրոպոլիսի թանգարանում կներկայացվի Հայաստանի հազարամյակների պատմությունն ու մշակույթըՀորդանանում դատարանը կիրակի օրը մահապատժի է դատապարտել երեք տղամարդուԱյսօր խոշոր ավտովթար է տեղի ունեցել Գեղարքունիքի մարզումMercedes-Benz-ը սառեցնում է ներդրումները Գերմանիայի իր գործարաններումՌուսաստանի արտաքին գործերի նախարարությունը հայտարարել է, որ Ուկրաինայի ներկայությունը կարող է փչացնել G20 գագաթնաժողովըՊնոմ Պենում տեղի է ունեցել Հայաստանի և Մոլդովայի վարչապետների հանդիպումըՈղբերգական վթար՝ Պռոշյանում. «Volkswagen»-ը կողաշրջվել է, 18-ամյա աղջիկը մահացել է, 2 հոգի՝ տուժելԱՄՆ ավիացիոն համակարգի զանգվածային խափանման պատճառը հայտնի էՊորտուգալիան փոխում է 7 համարի գրության ձևը՝ ի պատիվ Կրիշտիանու ՌոնալդուիՉինական CE-25A էլեկտրական ինքնաթիռն իրականացրել է առաջին թռիչքը՝ անձնակազմովՀայաստանի արտաքին գործերի և միջազգային առևտրի նախարարությունը շնորհավորել է Պաղեստինին Անկախության օրվա առթիվՌուբեն Մարուխյանն այսօր կդառնար 92 տարեկանԴատավորներ Մասիս Մելքոնյանի և Գևորգ Պողոսյանի նկատմամբ քրեական հետապնդում է հարուցվել«Բայազետ հոլլ»-ում հարսանեկան արարողության մասնակիցներից երկու անչափահաս «Ինֆինիտի»-ով վթարի են ենթարկվել․ կա մեկ զոհ, մեկ վիրավորՀայ Առաքելական եկեղեցին նշում է Բարեկենդան Հիսնակաց Պահոց տոնըԹրամփը կաջակցի Ռուսաստանի հետ միայն այն պայմանավորվածություններին, որոնք կամրապնդեն Ուկրաինայի և Եվրոպայի անվտանգությունը․ ՔուշներՄենք չենք մնա «ո՛չ պատերազմ, ո՛չ խաղաղություն» վիճակում. ՂալիբաֆՍպասվում են տեղումներ, առանձին շրջաններում՝ ձյան տեսքովԶելենսկին այնքան երախտապարտ չէ, որքան ակնկալվում էր. Ջո ԲայդենԻրանը հարվածել է Բահրեյնում գտնվող ամերիկյան ռազմաբազայինԱնձնագիր և նույնականացման քարտ՝ 24 կամ 48 ժամումԱրագածոտնի մարզում Քարի լիճ տանող ավտոճանապարհը փակ է«Վայոց ձոր» բժշկական կենտրոնում հիվանդի հարազատը ծեծել է երկու բժշկիԸնդդիմությունը կարծիք ունի այնքանով, որքանով կարծիք ունեն Բաքուն և Մոսկվան. ԿարապետյանStarship-ը իր 15-րդ թռիչքն իրականացրեց Տեխասի Սթարբեյս քաղաքիցԳալապագոսի պինգվիններին սպառնում է ոչնչացում Էլ Նինյոյի պատճառովՓաշինյանը ներկա է գտնվել ՖՄԿ 20-րդ գագաթնաժողովի բացման արարողությանըԺաննա Անդրեասյանը և Միխայիլ Դեգտյարևը քննարկել են սպորտի ոլորտում Հայաստան-Ռուսաստան համագործակցության հեռանկարներըՆԳՆ քրեական ոստիկաններն Արագածոտնի մարզում ապօրինի հանքարդյունահանման դեպք են բացահայտելՄասիս Մելքոնյանին գաղտնալսե՞լ ենԱրտակարգ դեպք՝ Գյումրիում. պայթել է մեքենայից հանված հեղուկ գազի բալոնը․ երկու քաղաքացի հոսպիտալացվել էՄոսկվայում նշվեց Հայոց գրերի օրըԲԴԽ-ն դատավորներ Մասիս Մելքոնյանին և Գևորգ Պողոսյանին զրկել է անձեռնմխելիությունիցԳազայում զոհերի թիվը հասել է 74,695-իԴատավոր Դավիթ Գրիգորյանին պետությունը կփոխհատուցի 6 մլն դրամ՝ հոգեկան տшռապանք կրելու համարՆա մտել է բшնտ` առողջ, իսկ մի քանի շաբաթվա ընթացքում բшնտից մեզ հանձնել են մարդու՝ անշնչшցած․ Նարեկ Կարապետյանը՝ Արսեն Գևորգյանի մասին (տեսանյութ)Հայաստանը ներառվել է հեղինակավոր Condé Nast Traveller Middle East-ի՝ 2027 թվականին այցելելու աշխարհի 27 լավագույն ուղղությունների ցանկում․ ՊապոյանՆիկոլ Փաշինյանը և Հնդկաստանի ԱԳ նախարարը քննարկել են Հայաստան-Հնդկաստան բազմաոլորտ համագործակցությանը վերաբերող հարցերԿոտայքի մարզում բախվել են «Nissan Tiida»-ն և «BMW X5»-ը․ 3 վիրավորներից 2-ն անչափահաս ենՀարգելի՛ դատավորներ, նայե՛ք Մասիս Մելքոնյանին և խղճացե՛ք ինքներդ ձեզ․ Ռուբեն ՄելիքյանԳերիների ազատ արձակումը պահանջում է կոնկրետ գործողություններ. Արցախի պետնախարարՍկսվել է աշխատանքը ՌԴ-ի և Ուկրաինայի միջև հակամարտության սկզբից ի վեր գերիների ամենախոշոր փոխանակման ուղղությամբՄոսկվան պայմաններ չի դնի եվրոպական բանակցային թիմի կազմի վերաբերյալ․ ՊեսկովՄոսկվայում ստորագրվել է Ռուս-հայկական համալսարանի կառավարման խորհրդի կանոնակարգըԴատախազությունը միջնորդել է անձեռնմխելիությունից զրկել դատավորներ Մասիս Մելքոնյանին և Գևորգ Պողոսյանին․ նրանք կկալանավորվեն
Տեսանյութեր

Ոչ թե Գագիկ Ծառուկյանն է խարդախությnւն կատարել, այլ, որ որպես տուժnղ ներկայացվող Իրանի քաղաքացիները նրանից առնվազն 14․5 միլիոն դոլար են հափշտшկել. Երեմ Սարգսյան (տեսանյութ)

Իրենք ընդունում են, որ համատեղ բիզնեսի համար Գագիկ Ծառուկյանն ամեն ինչ արել է շատ բարձր մակարդակով, որ դրանք իրենք անձամբ են տեսել: Այս մասին իր ֆեյսբուքյան էջում գրառում է կատարել փաստաբան Երեմ Սարգսյանը:

«Հանրությանն ենք ներկայացնում առաջին տեսանյութից մի հատված, որն ակնհայտորեն հաստատում է, որ ոչ թե Գագիկ Ծառուկյանը խարդախություն է կատարել, այլև, որ որպես տուժող ներկայացվող Իրանի քաղաքացիները նրանից առնվազն 14․5 միլիոն դոլար են հափշտակել, սակայն իրական տուժող Գագիկ Ծառուկյանն իրավապահ մարմինների կողմից արհեստականորեն վերածվել է մեղադրյալի:

Մասնավորապես, պաշտոնական մեղադրանքի համաձայն՝ Գագիկ Ծառուկյանն, ի սկզբանե, նպատակ չի ունեցել բիզնես գործունեություն իրականացնել Իրանի՝ տուժող ճանաչված քաղաքացիների հետ, այլև՝ ի սկզբանե, ցանկացել է ԻԻՀ այդ քաղաքացիներ Արման, Հաջիալի և Էրֆան Օլամայիներից խարդախությամբ գումար հափշտակել և, ի վերջո, 21 միլիոն դոլար է հափշտակել նրանցից։

Ինչպես և պնդում էինք ամբողջ նախաքննության ընթացքում, պաշտպանության կողմի տրամադրության տակ առկա են անհերքելի ապացույցներ առ այն, որ իրականում արհեստականորեն որպես տուժող ճանաչված ԻԻՀ այդ քաղաքացիները համատեղ բիզնեսը սկսելու համար բացարձակապես որևէ գումար չեն ներդրել և ամբողջ գումարը ներդրել է Գագիկ Ծառուկյանը։

Մասնավորապես,

Արման Օլամային ներկայացել է որպես Իրանի պետական ներկայացուցիչ՝ նշելով, որ բազմաթիվ ապրանքներ ՀՀ ներմուծելու բացառիկ լիցենզիաներ ունի` տրված Իրանի պետության կողմից, որ կարող է անհամեմատ էժան ու ձեռնտու գներով այդ ապրանքը ներմուծել և ՀՀ-ում վաճառել՝ համատեղ շահույթ ստանալու համար, ուստի փոխադարձ համաձայնությամբ բիզնես գործունեության համար անհրաժեշտ ամբողջ գումարը ներդրել է Գագիկ Ծառուկյանը, իսկ ԻԻՀ-ից ապրանքի մատակարարումը և բիզնեսի վարումը պետք է իրականացներ Արման Օլամային՝ իր վստահելի անձանց միջոցով:

Այդ նպատակով ստեղծվել են «ԻՐԱՆ- ՀԱՅԱՍՏԱՆ ԱՌԵՎՏՐԻ ԶԱՐԳԱՑՄԱՆ» ՍՊ ընկերությունը, որի 50 տոկոս բանեմասը պատկանել է «ՄՈՒԼՏԻ ԳՐՈՒՊ» ՍՊ ընկերությանը, իսկ 50 տոկոսը՝ Օլամայիներին պատկանող իրանական «ՓԱՐՍ ՀԵԼԱԼ» ընկերությանը, որի գործադիր տնօրեն նշանակվել է Արման Օլամայի հոր՝ մյուս տուժող Հաջիալի Օլամայիի մտերիմ ընկեր և նրանց վստահելի անձ՝ Համլետ Թումանյանը։

Ստեղծվել են նաև այլ ընկերություններ, այդ թվում՝ «ԵՎՐԱՍԻԱ ՄՈՒԼՏԻ ԹՐԵՅԴ ՔՈՄՓԱՆԻ», «ԵՎՐԱՍԻԱ ՑԵՄԵՆՏ» ՍՊ ընկերությունները, որոնց 50 տոկոս բաժնեմասը պատկանել է Արման Օլամային, 50 տոկոսը՝ Գագիկ Ծառուկյանին, իսկ գործադիր տնօրեն ևս նշանակվել է նրանց վստահելի անձ Համլետ Թումանյանը։

Ներկայացված տեսանյութում Գագիկ Ծառուկյանը թարգմանչի ներկայությամբ խոսում է տուժողներ ճանաչված Հաջիալի և Էրֆամ Օլամայիների հետ և հայտնում է, թե որքան է հավատացել նրանց, որ Արման Օլամայիին եղբոր պես է ընդունել ու ընդունում, որ անվերապահորեն հավատացել է նրանց, որ իրանական պետության ներկայացուցիչներն են, առավել ևս, որ իրեն հրավիրել են Իրան և մեծ հարգանքով ընդունելության արժանացրել, հանդիպումներ կազմակերպել բազմաթիվ պաշտոնյաների, այդ թվում՝ նախարարների հետ և այլն, որ իր նպատակն է եղել հայ-իրանական հարաբերությունների խորքային զարգացումը։

Սակայն առավել հատկանշական են այդ տեսանյութի հետևյալ հատվածները՝

01։00-01։20 հատվածը, որտեղ Գագիկ Ծառուկյանը հստակ նշում է, որ ո՛չ Համլետ Թումանյանին է ճանաչել, ո՛չ էլ Արման Օլամային, որ նրանք առաջին օրվանից, երբ եկել են իր մոտ, ներկայացել են որպես Իրանի պետության ներկայացուցիչներ, դրա համար էլ նրանց անմնացորդ վստահել է։

03։24-03։38 հատվածում Գագիկ Ծառուկյանը նշում է, որ ամբողջ գումարն ինքն է ներդրել, որ Արման Օլամային նույնիսկ «մեկ կոպեկ» չի ներդրել, իսկ երբ ինքն Արմանին ասել է, որ գոնե գումարի 10 %-ը նա ներդնի, Արման Օլամային ասել է, որ ինքը գումար չունի, սակայն այդքանով հանդերձ, հիմնադրված ընկերության 50 % բաժնեմասը գրել է Արման Օլամայիի անվամբ։

05։20-05։46 հատվածում Գագիկ Ծառուկյանը հայտնում է, թե ցեմենտի և յուղի գործարաններ կառուցելու և այլ առաձին բիզնեսների համար որքան գումար է տվել, սակայն իրեն խաբել են և որևէ աշխատանք չեն կատարել։

06։05-06։22 հատվածում Գագիկ Ծառուկյանը հայտնում է, որ իրեն նույնիսկ թույլ չեն տվել, որ այդ բիզնեսները վերահսկելու համար իր վստահելի գոնե մեկ մարդ դնի, որպեսզի ապրանքների հոսքին ու գումարների շարժին հետևի, պատճառաբանել են, թե իրենք պետական կառույց են, որ իրենք այդ ամբողջը կանեն։

09։20-09։53 հատվածում Գագիկ Ծառուկյանը հայտնում է, որ բանկից 7 միլիոն դոլար վարկ է վերցրել և ներդրել այդ բիզնեսում, որ ևս 7,5 միլիոն դոլար էլ իր միջոցներից է ներդրել՝ ընդհանուր 14,5 միլիոն դոլար։

17։20-17։36 հատվածուծ Գագիկ Ծառուկյանը հայտնում է, որ 2024 թվականի հունվարին համատեղ բիզնեսի վերաբերյալ տրված հաշվետվության համաձայն՝ ընդհանուր շահույթը կազմել է 23 միլիոն դոլար, սակայն այդ գումարը չի եղել, իսկ Արման Օլամային Ծառուկյանին խնդրել է, որպեսզի իրեն մինչև մարտ ամիս ժամանակ տա, որպեսզի ինքը ամբողջ գումարը վճարի։

19։30-20։04 հատվածում Գագիկ Ծառուկյանը հայտնում է, որ ամբողջ պայմանավորվածությունը ունեցել է Արման Օլամայիի հետ, որ վերջինս Իրանից գալով իր հետ փաստաթուղթ է բերել, որը ստորագրել են նաև խոսակցությանը ներկա Հաջիալի և Էրֆան Օլամայիները (խոսքը երաշխավորության պայմանագրի մասին է, որով Օլամայիները հավաստիացրել են, որ պարտավորվում են վերադարձնել այդ ամբողջ գումարը), ինչպես նաև հայտնում է, որ իրենք 23 միլիոն դոլար գումար են աշխատել և գրել են, որ 7 և 7․5 միլիոն դոլարը՝ 14․5 միլիոն դոլարը, իր ներդրած գումարն է, իսկ մնացած 8,5 միլիոն դոլարը եղել է իրենց ընդհանուր գումարը, որը պետք է հավասար՝ 4․25-ական միլիոն դոլար բաժանվեր իր և Արման Օլամայիների միջև։

20։36-20։54 հատվածում Գագիկ Ծառուկյանը հայտնում է, որ Արման, Հաջիալի և Էրֆամ Օլամայիները փաստաթուղթ են ստորագրել, որ պարտավորվում են վերադարձնել այդ գումարը։ Ինքն էլ նրանց ասել է, որ եթե իրենց մոտ ինչ-որ բան չի ստացվել, ապա կարող են աշխատանքով փակել, իսկ Օլամայիներն էլ պարտավորվել են համատեղ աշխատանքից ստացվող գումարներով վճարել այդ գումարը։

23։05-23։40 հատվածում Գագիկ Ծառուկյանը հայտնում է, որ ինքը տեղեկացել է, որ Հայ-իրանական առևտրի կենտրոնի համար Օլամայիները Իրանում տարբեր կազմակերպությունների հետ պայմանագրեր են կնքել, գումարներ են ստացել, սակայն իրեն խաբել են ու գումար չեն տվել։

24։57-26։14 հատվածում Գագիկ Ծառուկյանը հայտնում է, որ ինքն ընդամենը ցանկանում է, որ Արման Օլամայիի հայրը՝ Հաջիալի Օլամային, լսի այս ամենը և ինքը որոշի, թե ինչ պետք է անեն հետագայում, քանի որ Արման Օլամային իրեն խաբել է և գումարներ է «գցել», դրա համար էլ եթե նրանք ցույց չտան, թե որտեղ են այդ գումարները, ինքն այլևս որևէ գումար չի ներդնի։

27։07-27։30 հատվածում Գագիկ Ծառուկյանը հայտնում է, որ ինքն այս ամենի մասին հենց Հաջիալի Օլամայիին է ասում, քանի որ շատ է հարգում նրան, իսկ Արմանը ժամանակացույց է գրել, թե ինչ ժամկետներում է իր գումարները վճարելու, սակայն չի վճարել, դեռ մի բան էլ, երբ Հայաստան է եկել, փորձել է այնպես անել, որ ինքը դրա մասին չիմանա։

Իսկ ամենակարևորը, որ այս ամենը լսելուց հետո՝ 34։50-39։20 հատվածում, Հաջիալի Օլամային հստակ հայտնել է, որ իրենք ընդունում են, որ համատեղ բիզնեսի համար Գագիկ Ծառուկյանն ամեն ինչ արել է շատ բարձր մակարդակով, որ դրանք իրենք անձամբ են տեսել և որ դրանք իրենց ներկայացնելու կարիք չկա։

Ավելին, շատ հստակ ընդունել է, որ ամբողջ բիզնես գործունեությունն իրենք են կազմակերպել և որ պատրաստ են կատարած աշխատանքի մանրամասները ներկայացնել Գագիկ Ծառուկյանին։

Նաև հստակ հայտնել է, որ Գագիկ Ծառուկյանի գումարներն իրենց մոտ ի պահ է և որ իրենք ամեն ինչ անելու են, որ նա մեկ կոպեկ չտուժի։

Իսկ վերջում, ցանկանում եմ յուրաքաչյուրին մեկ հարց տալ՝ ինչպե՞ս կարող են Իրանի քաղաքացիները տուժող լինել և ինչպե՞ս կարող է Գագիկ Ծառուկյանը նրանցից 21 միլիոն դոլար հափշտակած լինել, եթե նրանք ևս այդ խոսակցության ժամանակ ընդունում են, որ Գագիկ Ծառուկյանի 14․5 միլիոն դոլար գումարն է իրենց մոտ ի պահ։

Ավելին, եթե իրականում Գագիկ Ծառուկյանն է նրանցից 21 միլիոն դոլար գումար հափշտակել, ապա ինչպես է հնարավոր, որ այդ ամբողջ խոսակցության ընթացքում իբրև տուժող Իրանի քաղաքացիները գոնե մեկ անգամ Գագիկ Ծառուկյանին չասեն, որ ոչ թե իրենք են նրան պարտք, այլև՝ Ծառուկյանն է իրենց գումարները հափշտակել։

Իհարկե, որպես տուժող ճանաչված անձանց կողմից ստորագրած պարտավորագրերով և երաշխավորագրերով ևս հաստատվում է, որ նրանք են հափշտակել Գագիկ Ծառուկյանի գումարները և մինչև օրս չեն վերադարձրել։

Ահա, թե ինչու ենք պնդում, որ իրական տուժող Գագիկ Ծառուկյանը վերածվել է մեղադրյալի, իսկ իրական մեղադրյալներ՝ Իրանի քաղաքացիներն արհեստականորեն վերածվել են տուժողի։

Այլ կերպ ասած՝ բավարար չէ, որ Իրանի քաղաքացիները 14․5 միլիոն դոլար են հափշտակել Գագիկ Ծառուկյանից, դեռ մի բան էլ ՀՀ իրավապահ մարմիններն այնպես են ուզում անել, որ ևս 21 միլիոն դոլար էլ դատարանը Գագիկ Ծառուկյանից բռնագանձի հօգուտ Իրանի այդ քաղաքացիների։

Ինչ խոսք՝ շատ «արդար է»,-նշված է գրառման մեջ: