Ինչ ունեցվածք ունի ՀՀ դատախազության գլխավոր քարտուղար Մհեր Ափրիկյան․ «Ժողովուրդ»
«Ժողովուրդ» թերթը գրում է. ««Ժողովուրդ» օրաթերթը, հանրությանը իրազեկելու և պաշտոնատար անձանց ունեցվածքի թափանցիկությունն ապահովելու նպատակով, շարունակում է ուսումնասիրել պետական կարևոր պաշտոններ զբաղեցնող անձանց հայտարարագրերը: Այս անգամ ուսումնասիրել ենք ՀՀ դատախազության գլխավոր քարտուղար Մհեր Ափրիկյանի 2025 թվականի գույքի, եկամուտների և ծախսերի հայտարարագիրը։ 2023 թվականի մարտի 28-ից Մհեր Ափրիկյանը զբաղեցնում է ՀՀ դատախազության գլխավոր քարտուղարի պաշտոնը։ Հիշեցնենք, որ դրանից առաջ Մհեր Ափրիկյանը զբաղեցնում էր գլխավոր դատախազի խորհրդականի պաշտոնը։
Հայտարարագրի համաձայն՝ 2025 թվականի սկզբին և տարեվերջին Մհեր Ափրիկյանի անունով առկա է եղել 4 բնակարան։ Դրանցից մեկը Երևանում գտնվող բնակարան է՝ 1/4 բաժնային սեփականությամբ, մյուսը՝ Ծաղկաձորում գտնվող բնակարան՝ 1/2 բաժնային սեփականությամբ, իսկ Աբովյանում նա ունի երկու բնակարան՝ համատեղ սեփականության իրավունքով։ 2025 թվականին Ափրիկյանը նոր անշարժ գույք չի ձեռք բերել և որևէ գույք չի օտարել։
Տրանսպորտային միջոց նույնպես չի հայտարարագրել։ Եկամուտը՝ 21 մլն 404 հազար 657 դրամ 2025 թվականին Մհեր Ափրիկյանի ընդհանուր հայտարարագրված եկամուտը կազմել է 21 մլն 404 հազար 657 դրամ։ Դրանից 17 մլն 629 հազար 450 դրամը աշխատանքի վարձատրություն և դրան հավասարեցված վճարումներ են՝ ՀՀ դատախազությունից։ Նա նաև ստացել է 1 մլն 448 հազար 530 դրամ եկամտային հարկի վերադարձ, 156 հազար 677 դրամ այլ եկամուտ և բանկերից ստացել է 2 մլն 170 հազար դրամ փոխառություններ։
2025 թվականի տարեվերջին Ափրիկյանի բանկային հաշիվներում առկա է եղել 4 մլն 34 հազար 712 դրամ և 400 դոլար։ Բանկային ավանդների մասով նա ունեցել է ևս 1 մլն 700 հազար դրամ։
Կանխիկ միջոցների մասով տարեվերջին հայտարարագրել է 11 մլն դրամ, 12 հազար դոլար, 2 հազար եվրո և 2 հազար ֆունտ ստեռլինգ։ Այսպիսով, միայն դրամային բանկային հաշիվներում և ավանդներում Ափրիկյանի մոտ տարեվերջին եղել է 5 մլն 734 հազար 712 դրամ, իսկ կանխիկ՝ ևս 11 մլն դրամ։
2025 թվականի դեկտեմբերի 31-ի դրությամբ Մհեր Ափրիկյանի վարկերի մայր գումարի մնացորդը կազմել է 46 մլն 880 հազար 617 դրամ։ Դրանցից երկու վարկերի հիպոտեքի առարկան բնակելի անշարժ գույքն է։ Ափրիկյանը 2025 թվականին հանգստի համար կատարել է 3 մլն դրամի ճանապարհածախսի և կեցության ծախս։
Այսպիսով, հայտարարագրի համաձայն՝ Դատախազության գլխավոր քարտուղար Մհեր Ափրիկյանի ունեցվածքում առկա են 4 բնակարան, բանկային հաշիվներ և ավանդներ, ինչպես նաև տարբեր արժույթներով կանխիկ միջոցներ։ Միաժամանակ նրա վարկային պարտավորությունների մնացորդը կազմել է 46 մլն 880 հազար 617 դրամ»։
Առավել մանրամասն՝ թերթի այսօրվա համարում։


















































Մոսկվայում մեկնարկել է ԱՊՀ մասնակից պետությունների ԱԽ քարտուղարների 14-րդ հանդիպումը (լուսանկարներ)
Երգիչ Մհեր Արմենիան և «Հայէկոնոմբանկ»-ը պայմանավորվածություններ են ձեռք բերել
Պաշտպանության նախկին նախարար Արշակ Կարապետյանին հրավիրել են ՀՀ գլխավոր դատախազություն
Ոստիկանները մտել են Մգեր Արմենիայի բնակարան
Հոկտեմբերի 27-ի վերաբացված գործով վերջին մեկ տարում կատարված ապացուցողական և վարութային գործողությունների մասին ՀՀ դատախազությունը մանրամասներ է ներկայացել
«Բայազետ հոլլ»-ում հարսանեկան արարողության մասնակիցներից երկու անչափահաս «Ինֆինիտի»-ով վթարի են ենթա...
Հ1-ի տաղավարում ծեծկռտուք է եղել․ «Հրապարակ»
Եթե Հայաստանում իրավիճակն իրոք այնքան լավ է, ինչպես ներկայացվում է, ապա ինչո՞ւ են հազարավոր հայեր գե...
Այսօր խոշոր ավտովթար է տեղի ունեցել Գեղարքունիքի մարզում
Փոխոստիկանապետն ասաց՝ եթե ուզում ես ընտանիքդ ապահով լինի, պիտի ասես, որ դու ես արել. Վալոդյա Գրիգորյ...
Շտապօգնության ավտոմեքենան վրшերթի է ենթարկել փողոցը չթույլատրելի հատվածով անցնող հետիոտնին. վերջինս ...
«Երևան ավտոբուսը»՝ 13 տարեկան անչափահաս աղջկան ավտոբուսից իջեցնելու դեպքի մասին
Վաղարշապատում 15-ամյա աղջիկների վեճը տղայի պատճառով չի եղել. փաստաբանի պարզաբանումը
Ավտոբուսը վարելիս մահացել է 22 համարի երթուղու վարորդը
Մասիս Մելքոնյանին գաղտնալսե՞լ են