TRIPP․ Հայաստանի համար բացվող ճանապարհ, թե՞ տարածաշրջանային նոր խաղի գին
Նոյեմբերի 7-ին Հայաստանի, ԱՄՆ-ի և Ադրբեջանի ներկայացուցիչները հայտարարեցին TRIPP նախագծի առաջմղման նպատակով եռակողմ տեխնիկական պլանավորման խմբերի աշխատանքի մեկնարկի մասին։ Հանդիպմանը մասնակցել են ԱՄՆ պետքարտուղարի՝ Եվրոպայի և Եվրասիայի հարցերով օգնական Բրենդան Հանարանը, Հայաստանի փոխարտգործնախարար Վահան Կոստանյանը և Ադրբեջանի փոխարտգործնախարար Էլնուր Մամեդովը։
Կողմերը պայմանավորվել են ստեղծել առաջին երկու աշխատանքային խմբերը, որոնք զբաղվելու են տրանսպորտային հաղորդակցությունների և էլեկտրաէներգիայի փոխանցման հարցերով։ Հայտարարության մեջ նաև վերահաստատվել է TRIPP-ի բոլոր բաղադրիչներն արագ գործարկելու պատրաստակամությունը։ Այս հայտարարությունը կարևոր է ոչ միայն իր բովանդակությամբ, այլև քաղաքական ենթատեքստով։ TRIPP նախագիծը, որն ի սկզբանե ներկայացվում էր որպես տարածաշրջանային ապաշրջափակման և տնտեսական համագործակցության ծրագիր, աստիճանաբար անցնում է գործնական իրականացման փուլ։
Բայց այստեղ մի քանի հարց կա, որոնց իշխանությունը հստակ պատասխան չի տվել։
Ո՞վ է որոշելու այդ ճանապարհի շահագործման պայմանները։ Ո՞վ է վերահսկելու ենթակառուցվածքները։ Որքա՞ն է լինելու Հայաստանի իրական տնտեսական օգուտը, և ի՞նչ երաշխիքներ կան, որ երկրի ինքնիշխանությունը որևէ կերպ չի սահմանափակվելու։ Այն ողորմություն նետվող 24%֊ից այն կողմ սեփական տարածքը ինչքանո՞վ է մնալու Հայաստանինը։
Առավել ուշագրավ է այն, որ գործընթացն առաջ է գնում ԱՄՆ-ի և Ադրբեջանի անմիջական մասնակցությամբ, մինչդեռ հայ-ադրբեջանական հարաբերություններում շարունակում են մնալ չլուծված բազմաթիվ հիմնարար խնդիրներ։
Ադրբեջանը հետևողականորեն առաջ է տանում իր տարածաշրջանային օրակարգը, Թուրքիան ունի իր ռազմավարական շահերը, ԱՄՆ-ը փորձում է ամրապնդել իր դիրքերը Հարավային Կովկասում։ Իսկ Հայաստանի իշխանությունը կարծես բավարարվում է տնտեսական հնարավորությունների մասին հայտարարություններով, առանց հասարակությանը ներկայացնելու ամբողջական քաղաքական հաշվարկը։
Պետք է հասկանալ մի պարզ բան․ տարածաշրջանային հաղորդակցությունների բացումը կարող է իսկապես տնտեսական հնարավորություններ ստեղծել Հայաստանի համար։ Բայց դա ինքնաբերաբար չի նշանակում, որ Հայաստանը դառնում է այդ գործընթացի գլխավոր շահառուն։
Իշխանությունը պարտավոր է հրապարակային պատասխանել, թե ի՞նչ է ստանալու Հայաստանը, ինչ պարտավորություններ է ստանձնելու և ինչ երաշխիքներ ունի, որ այս նախագիծը չի վերածվի արտաքին ուժերի աշխարհաքաղաքական շահերի սպասարկման մեխանիզմի։
Ճանապարհ ունենալը դեռ հաղթանակ չէ։ Հաղթանակ է այն դեպքում, երբ դու ես որոշում դրա պայմանները, վերահսկում քո տարածքը և ապահովում սեփական երկրի շահերը։
Հայաստանը չպետք է դառնա մի ճանապարհ, որով անցնում են ուրիշների շահերը շրջանցելով հայկական պետականության շահերը։
Արմինե Մելքոնյան


















































«Բայազետ հոլլ»-ում հարսանեկան արարողության մասնակիցներից երկու անչափահաս «Ինֆինիտի»-ով վթարի են ենթա...
Հ1-ի տաղավարում ծեծկռտուք է եղել․ «Հրապարակ»
Եթե Հայաստանում իրավիճակն իրոք այնքան լավ է, ինչպես ներկայացվում է, ապա ինչո՞ւ են հազարավոր հայեր գե...
Այսօր խոշոր ավտովթար է տեղի ունեցել Գեղարքունիքի մարզում
Փոխոստիկանապետն ասաց՝ եթե ուզում ես ընտանիքդ ապահով լինի, պիտի ասես, որ դու ես արել. Վալոդյա Գրիգորյ...
Շտապօգնության ավտոմեքենան վրшերթի է ենթարկել փողոցը չթույլատրելի հատվածով անցնող հետիոտնին. վերջինս ...
«Երևան ավտոբուսը»՝ 13 տարեկան անչափահաս աղջկան ավտոբուսից իջեցնելու դեպքի մասին
Վաղարշապատում 15-ամյա աղջիկների վեճը տղայի պատճառով չի եղել. փաստաբանի պարզաբանումը
Ավտոբուսը վարելիս մահացել է 22 համարի երթուղու վարորդը
Մասիս Մելքոնյանին գաղտնալսե՞լ են