ԵՄ-ն զգուշացրել է TikTok-ին փոխել «For You»-ի վնասակար ալգորիթմը
Ուրբաթ օրը Եվրամիությունը զգուշացրել է TikTok սոցիալական ցանցին, որ այն պետք է փոփոխի իր անհատականացված «For You» ժապավենի «վնասակար» կառուցվածքը, հակառակ դեպքում ԵՄ թվային կանոնակարգերի համաձայն ընկերությանը խոշոր տուգանքներ են սպառնում։
Այս պահանջը ներկայացվել է այն բանից հետո, երբ հայտնաբերվել են խախտումների նախնական ապացույցներ։ Այս մասին հաղորդում են Եվրահանձնաժողովի մամուլի հարթակից։
Աղբյուրի փոխանցմամբ, եվրոպական հանձնաժողովը մեղադրում է սոցիալական հարթակին «Թվային ծառայությունների մասին ակտի» (Digital Services Act - DSA) խախտման մեջ՝ կապված այսպես կոչված «ճագարի բնի» (rabbit hole) էֆեկտի հետ։ Սա մի երևույթ է, երբ TikTok-ի ալգորիթմը պարբերաբար առաջարկում է նմանատիպ տեսանյութեր՝ երեխաներին և խոցելի օգտատերերին ենթարկելով ավելի ու ավելի վնասակար բովանդակության ազդեցությանը։
«Որքան շատ է օգտատերը փոխազդում որոշակի տեսակի բովանդակության հետ, այնքան TikTok-ի «For You» ժապավենի ալգորիթմն ավելի շատ է առաջարկում նմանատիպ բովանդակություն։ Նման կառուցվածքը կարող է վնասակար լինել, երբ անվերջ և կրկնվող ազդեցությունը կապված է, օրինակ, տխրության, միայնության կամ սեփական մարմնի ընկալման հետ կապված նյութերի հետ»,- նշել են Եվրոպական հանձնաժողովից։
TikTok-ը հերքել է Հանձնաժողովի եզրահանգումները՝ պնդելով, որ դրանք սխալ են ներկայացնում հարթակի գործունեությունը և օգտատերերի պաշտպանությանն ուղղված միջոցառումները։
«Հանձնաժողովը մի շարք պնդումներ է արել, որոնք փաստացի սխալ են և աղավաղված են ներկայացնում թե՛ մեր հարթակի կառուցվածքը, թե՛ օգտատերերի անվտանգության ապահովման հարցում մեր հանձնառությունը։ Մենք մեր համայնքի պաշտպանության հարցում հաստատուն դիրքորոշում ունենք՝ միաժամանակ օգտատերերին տրամադրելով իրենց բովանդակային փորձառությունը ուղղակիորեն և ինտուիտիվ կերպով կառավարելու հնարավորություն»,- Euronews-ին հայտնել է TikTok-ի ներկայացուցիչը։
TikTok-ի ալգորիթմը շարունակում է առաջարկել նմանատիպ տեսանյութեր նույնիսկ այն դեպքում, երբ օգտատերերը ցույց են տալիս, որ իրենց չի հետաքրքրում տվյալ տեսակի բովանդակությունը։
Եվրոպական հանձնաժողովը հայտարարել է, որ TikTok-ը քայլեր է ձեռնարկել այդ ռիսկերը մեղմելու ուղղությամբ, սակայն այդ միջոցները բավարար չափով արդյունավետ չեն եղել։ Հանձնաժողովը կոչ է արել հավելյալ փոփոխություններ կատարել հարթակի կառուցվածքում։


















































ՀՀ կենտրոնական բանկը քաղաքացիներին զգուշացնում է
ԱՄՆ դեսպանատունը զգուշացնում է
«Բայազետ հոլլ»-ում հարսանեկան արարողության մասնակիցներից երկու անչափահաս «Ինֆինիտի»-ով վթարի են ենթա...
Հ1-ի տաղավարում ծեծկռտուք է եղել․ «Հրապարակ»
Եթե Հայաստանում իրավիճակն իրոք այնքան լավ է, ինչպես ներկայացվում է, ապա ինչո՞ւ են հազարավոր հայեր գե...
Այսօր խոշոր ավտովթար է տեղի ունեցել Գեղարքունիքի մարզում
Փոխոստիկանապետն ասաց՝ եթե ուզում ես ընտանիքդ ապահով լինի, պիտի ասես, որ դու ես արել. Վալոդյա Գրիգորյ...
Շտապօգնության ավտոմեքենան վրшերթի է ենթարկել փողոցը չթույլատրելի հատվածով անցնող հետիոտնին. վերջինս ...
«Երևան ավտոբուսը»՝ 13 տարեկան անչափահաս աղջկան ավտոբուսից իջեցնելու դեպքի մասին
Վաղարշապատում 15-ամյա աղջիկների վեճը տղայի պատճառով չի եղել. փաստաբանի պարզաբանումը
Ավտոբուսը վարելիս մահացել է 22 համարի երթուղու վարորդը
Մասիս Մելքոնյանին գաղտնալսե՞լ են