Արիկի (Յուրի Գրիգորյան) 80֊ամյակին մեծ ցուցադրություն է կազմակերպվել Մոսկվայի սրտում
Մոսկվայի սրտում Զուրաբ Ծերեթելու թանգարանի երրորդ հարկում նոյեմբերի 4֊26֊ը ցեւցադրվելու է հայ գեղանկարիչ, Ռուսաստանի նկարիչների միության անդամ Յուրի Գրիգորյանի (Արիկ) կտավները։
Ցուցահանդեսը կազմակերպվել է վարպետի 80֊ամյակի կապակցությամբ։
Յուրի Գրիգորյանը սերում է Արցախից և իր կտավներում հաճախ է անդրադառնում հայրենի Արցախի ամեն անկյունին, իրենց բակից մինչև Արցախյան կանայք, հարևանի դիմանկարից մինչև տեղահանված մարդիկ։
Պատկերասրահի դեռ մուտքի մոտ զգացվում է հայականության շունչը, նախասրահում կտավ է, որը կարծես կտավից անդին հուշում է հայ կնոջ կերպարի մասին, զուսպ, խոհեմ, տանջված ու մտորումների մեջ։
Դու հայտնվում ես մի աշխարհում, որտեղ անկարելի է չառերեսվել սեփական պատմության հետ, որտեղ կա պատմական ցավ, գյուղացու հոգս ու տան միակ կերակրող կովի նկարը։
Կանգնում ես ու մի ամբողջ պատմություն սկսում է էսքիզվել արդեն պատրաստի կտավներից դուրս։ Թառը ձեռքին «Արցախցի երաժիշտը» կտավից, գույներից բացի, քեզ թվում է ուր որ է պատկերասրահը լցնելու է հայ գյուղացու «Հորովելով», քթիդ տակ սկսում ես մրմնջալ ու քայլերդ ավելի դանդաղ դարձնում, ընկղմվում նկարչի գույների խաղաղության աշխարհում։
2020թվականի Արցախյան պատերազմի մասին կտավները հիմնականում ցավի մասին էին, տեղահանված արցախցիների տեսքով։
Իր ցավը նկարիչը տալիս է վրձինին ու չի հանգստանում, ու թվում է մեկ, երկու ,երեք ...
Թվում է ...
Տեղահանված մարդկանց նկարելով ցավը չի մեղմվում, նկարն էլ չի դառնում գլուխգործոց այլ շարունակում է մնալ ցավի արտացոլանք, ցավի ու տառապանքի գույն։
Արմինե Մելքոնյան


















































«Բայազետ հոլլ»-ում հարսանեկան արարողության մասնակիցներից երկու անչափահաս «Ինֆինիտի»-ով վթարի են ենթա...
Հ1-ի տաղավարում ծեծկռտուք է եղել․ «Հրապարակ»
Եթե Հայաստանում իրավիճակն իրոք այնքան լավ է, ինչպես ներկայացվում է, ապա ինչո՞ւ են հազարավոր հայեր գե...
Այսօր խոշոր ավտովթար է տեղի ունեցել Գեղարքունիքի մարզում
Փոխոստիկանապետն ասաց՝ եթե ուզում ես ընտանիքդ ապահով լինի, պիտի ասես, որ դու ես արել. Վալոդյա Գրիգորյ...
Շտապօգնության ավտոմեքենան վրшերթի է ենթարկել փողոցը չթույլատրելի հատվածով անցնող հետիոտնին. վերջինս ...
«Երևան ավտոբուսը»՝ 13 տարեկան անչափահաս աղջկան ավտոբուսից իջեցնելու դեպքի մասին
Վաղարշապատում 15-ամյա աղջիկների վեճը տղայի պատճառով չի եղել. փաստաբանի պարզաբանումը
Ավտոբուսը վարելիս մահացել է 22 համարի երթուղու վարորդը
Մասիս Մելքոնյանին գաղտնալսե՞լ են