Երթևեկության կանոնների խախտումը չի կարող անհետևանք և անվճար լինել․ Արփինե Սարգսյան
Ներքին գործերի նախարար Արփինե Սարգսյանն անդրադառնալով վարչական տուգանքների չափերի փոփոխություններին և Պարեկային ծառայության աշխատանքի արդյունքներին՝ ընդգծել է, որ տուգանքների խստացման հիմնական նպատակը ոչ թե պետական եկամուտների ավելացումն է, այլ իրավախախտումների կանխարգելումը և քաղաքացիների վարքագծի փոփոխությունը։
«Ես ուզում եմ վերահաստատել իմ այն մոտեցումը, որ խստացումները նախարարության դիրքերից առաջնային կերպով կանխարգելիչ նշանակություն ունեն»,- նշել է Արփինե Սարգսյանը՝ ընդգծելով, որ պատասխանատվության միջոցները պետք է քաղաքացիներին մղեն վերանայելու ճանապարհային երթևեկության կանոնները խախտելու իրենց որոշումը։
Նախարարի խոսքով՝ վերջին շրջանում իրականացվել են մի շարք փոփոխություններ, այդ թվում՝ էլեկտրոնային ծանուցման անցնելու դեպքում նախատեսված 20 տոկոս բոնուսային նվազեցումը և տուգանքը 15 օրվա ընթացքում վճարելու դեպքում կիրառվող 30 տոկոս նվազեցումը։ Սակայն, չնայած այս հնարավորություններին և իրավախախտումների բացահայտման ծավալների աճին, ակնկալվող վարքագծային փոփոխությունը դեռևս լիարժեք չի արձանագրվում։
Արփինե Սարգսյանն ընդգծել է, որ ճանապարհային անվտանգությունն ապահովելու համար անհրաժեշտ են հետևողական միջոցներ։ Երթևեկության կանոնների խախտումը չի կարող անհետևանք և անվճար լինել․ յուրաքանչյուր խախտում պետք է ունենա իր հետևանքը։
Որպես օրինակ՝ նախարար Սարգսյանն առանձնացրել է երկրորդ գծում կանգառ կատարելու դեպքերը, որոնց առնչությամբ արձանագրվել են տասնյակ հազարավոր վարչական իրավախախտումներ։
«Նույնիսկ երբ պարեկները 172 տոկոսով ավելի պատասխանատվության միջոց են կիրառում, այսինքն՝ ավելի շատ բացահայտում ունեն, դա որևէ ձևով չի նպաստում, որ անձինք դադարեն այդ խախտումներն անել։ Այս պայմաններում պիտի գնանք խստացմանը»,- նշել է նախարարը։
Արփինե Սարգսյանի խոսքով՝ պարեկներն աշխատում են առանց հանգստի՝ առավոտից երեկո, բոլոր ուղղություններով կարգապահությունը վերականգնելու համար։ Մինչդեռ արդյունավետ մենեջմենթը ենթադրում է նաև առաջնահերթությունների սահմանում․ իրավիճակով պայմանավորված՝ ղեկավարները պետք է կարողանան որոշել, թե տվյալ օրը կամ ամսվա ընթացքում իրավախախտումների որ խմբերի կանխմանն ու հայտնաբերմանն է անհրաժեշտ առավել մեծ ուշադրություն դարձնել։ Բոլոր ուղղություններով առկա խնդիրները, սակայն, սահմանափակում են այդ հնարավորությունը։
Նախարարը շեշտել է, որ երկրորդ գծում կանգառ կատարելը չի կարող դիտարկվել որպես ընդունելի վարքագիծ՝ քննարկման առարկա դարձնելով միայն տուգանքի չափը։ Ճանապարհային անվտանգությունն ապահովելու համար անհրաժեշտ են հետևողական միջոցներ․ երթևեկության կանոնների խախտումը չի կարող անհետևանք մնալ, իսկ դրանց պահպանումը յուրաքանչյուր քաղաքացու պարտականությունն է։
Անդրադառնալով ճանապարհային անվտանգության ապահովման ուղղությամբ իրականացվող միջոցառումների արդյունքներին՝ Արփինե Սարգսյանը ներկայացրել է զոհերի և վիրավորների թվի նվազման վերաբերյալ տվյալներ։
«2024-2025 թվականների համադրությամբ Հայաստանի Հանրապետության ավտոճանապարհներին 95-ով պակաս զոհեր ենք ունեցել։ Այսօրվա տվյալով՝ նախորդ տարվա նույն ժամանակահատվածի համեմատությամբ յոթ զոհով և 40 վիրավորով պակաս ունենք»,- նշել է նախարարը։
Նրա խոսքով՝ Պարեկային ծառայության կողմից ճանապարհային երթևեկության անվտանգությանն անմիջականորեն առնչվող մի շարք իրավախախտումների բացահայտումն ավելացել է կրկնակի, իսկ որոշ դեպքերում՝ եռակի։ Միաժամանակ նա ընդգծել է, որ վիճակագրական դրական փոփոխությունները միայն Պարեկային ծառայության աշխատանքի արդյունք համարելը ճիշտ չի լինի, թեև ծառայության աշխատանքը նշանակալի դեր ունի ընդհանուր պատկերում։
Նախարարը վերահաստատել է, որ ճանապարհային անվտանգության ապահովմանն ուղղված քաղաքականությունը շարունակվելու է՝ իրավախախտումները նվազեցնելու, ճանապարհատրանսպորտային պատահարները կանխելու և դրանց հետևանքով զոհերի ու վիրավորների թիվը հնարավորինս կրճատելու նպատակով։


















































Կարծում եմ՝ ճիշտ ճանապարհ է. Սարգսյան
Այս դահլիճում արդարադատություն չի իրականացվում. Սարգսյան
Վստահ եմ, որ եթե չլիներ Վազգեն Սարգսյանը, Վազգեն Սարգսյան տեսակը, ապա ՀՀ պատմությունն այլ կերպ կշարադրվեր. Սերժ Սարգսյան
Վազգեն Սարգսյանը կոտրվող տեսակ չէր. նա կարող էր բարկանալ, բայց ոչ երբեք կոտրվել կամ հուսահատվել․ Սերժ Սարգսյան
Ամեն իշխանություն ունի իր գրավիտացիայի կենտրոնը, այս իշխանության համար կենտրոնը կոնֆլիկտն է` նախկինների, անցյալի, պատմության հետ. Արփինե Հովհաննիսյան
«Բայազետ հոլլ»-ում հարսանեկան արարողության մասնակիցներից երկու անչափահաս «Ինֆինիտի»-ով վթարի են ենթա...
Հ1-ի տաղավարում ծեծկռտուք է եղել․ «Հրապարակ»
Եթե Հայաստանում իրավիճակն իրոք այնքան լավ է, ինչպես ներկայացվում է, ապա ինչո՞ւ են հազարավոր հայեր գե...
Այսօր խոշոր ավտովթար է տեղի ունեցել Գեղարքունիքի մարզում
Փոխոստիկանապետն ասաց՝ եթե ուզում ես ընտանիքդ ապահով լինի, պիտի ասես, որ դու ես արել. Վալոդյա Գրիգորյ...
Շտապօգնության ավտոմեքենան վրшերթի է ենթարկել փողոցը չթույլատրելի հատվածով անցնող հետիոտնին. վերջինս ...
«Երևան ավտոբուսը»՝ 13 տարեկան անչափահաս աղջկան ավտոբուսից իջեցնելու դեպքի մասին
Վաղարշապատում 15-ամյա աղջիկների վեճը տղայի պատճառով չի եղել. փաստաբանի պարզաբանումը
Ավտոբուսը վարելիս մահացել է 22 համարի երթուղու վարորդը
Մասիս Մելքոնյանին գաղտնալսե՞լ են