Գլխավոր Լրահոս Տեսանյութեր Թրենդ
Հավերժ փառք ու խոնարհում․ այսօր Ռոբերտ Աբաջյանի ծննդյան օրն է Սոցցանցերում Իլհամ Ալիեւի օգտահաշիվները ենթարկվել են կիբեռհարձակման Չեխերը բողոքի ցույց են անցկացնում հանրային լրատվամիջոցների ֆինանսավորման փոփոխության դեմ ՀՀ վարչապետ Նիկոլ Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքին Աստրախանի շրջանում մեկ օրում 31 անօդաչու թռչող սարք է խոցվել Ակրոպոլիսի թանգարանում կներկայացվի Հայաստանի հազարամյակների պատմությունն ու մշակույթը Հորդանանում դատարանը կիրակի օրը մահապատժի է դատապարտել երեք տղամարդու Այսօր խոշոր ավտովթար է տեղի ունեցել Գեղարքունիքի մարզում Mercedes-Benz-ը սառեցնում է ներդրումները Գերմանիայի իր գործարաններում Ռուսաստանի արտաքին գործերի նախարարությունը հայտարարել է, որ Ուկրաինայի ներկայությունը կարող է փչացնել G20 գագաթնաժողովը Պնոմ Պենում տեղի է ունեցել Հայաստանի և Մոլդովայի վարչապետների հանդիպումը Ողբերգական վթար՝ Պռոշյանում. «Volkswagen»-ը կողաշրջվել է, 18-ամյա աղջիկը մահացել է, 2 հոգի՝ տուժել
Հավերժ փառք ու խոնարհում․ այսօր Ռոբերտ Աբաջյանի ծննդյան օրն էՍոցցանցերում Իլհամ Ալիեւի օգտահաշիվները ենթարկվել են կիբեռհարձակման Չեխերը բողոքի ցույց են անցկացնում հանրային լրատվամիջոցների ֆինանսավորման փոփոխության դեմՀՀ վարչապետ Նիկոլ Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքինԱստրախանի շրջանում մեկ օրում 31 անօդաչու թռչող սարք է խոցվելԱկրոպոլիսի թանգարանում կներկայացվի Հայաստանի հազարամյակների պատմությունն ու մշակույթըՀորդանանում դատարանը կիրակի օրը մահապատժի է դատապարտել երեք տղամարդուԱյսօր խոշոր ավտովթար է տեղի ունեցել Գեղարքունիքի մարզումMercedes-Benz-ը սառեցնում է ներդրումները Գերմանիայի իր գործարաններումՌուսաստանի արտաքին գործերի նախարարությունը հայտարարել է, որ Ուկրաինայի ներկայությունը կարող է փչացնել G20 գագաթնաժողովըՊնոմ Պենում տեղի է ունեցել Հայաստանի և Մոլդովայի վարչապետների հանդիպումըՈղբերգական վթար՝ Պռոշյանում. «Volkswagen»-ը կողաշրջվել է, 18-ամյա աղջիկը մահացել է, 2 հոգի՝ տուժելԱՄՆ ավիացիոն համակարգի զանգվածային խափանման պատճառը հայտնի էՊորտուգալիան փոխում է 7 համարի գրության ձևը՝ ի պատիվ Կրիշտիանու ՌոնալդուիՉինական CE-25A էլեկտրական ինքնաթիռն իրականացրել է առաջին թռիչքը՝ անձնակազմովՀայաստանի արտաքին գործերի և միջազգային առևտրի նախարարությունը շնորհավորել է Պաղեստինին Անկախության օրվա առթիվՌուբեն Մարուխյանն այսօր կդառնար 92 տարեկանԴատավորներ Մասիս Մելքոնյանի և Գևորգ Պողոսյանի նկատմամբ քրեական հետապնդում է հարուցվել«Բայազետ հոլլ»-ում հարսանեկան արարողության մասնակիցներից երկու անչափահաս «Ինֆինիտի»-ով վթարի են ենթարկվել․ կա մեկ զոհ, մեկ վիրավորՀայ Առաքելական եկեղեցին նշում է Բարեկենդան Հիսնակաց Պահոց տոնըԹրամփը կաջակցի Ռուսաստանի հետ միայն այն պայմանավորվածություններին, որոնք կամրապնդեն Ուկրաինայի և Եվրոպայի անվտանգությունը․ ՔուշներՄենք չենք մնա «ո՛չ պատերազմ, ո՛չ խաղաղություն» վիճակում. ՂալիբաֆՍպասվում են տեղումներ, առանձին շրջաններում՝ ձյան տեսքովԶելենսկին այնքան երախտապարտ չէ, որքան ակնկալվում էր. Ջո ԲայդենԻրանը հարվածել է Բահրեյնում գտնվող ամերիկյան ռազմաբազայինԱնձնագիր և նույնականացման քարտ՝ 24 կամ 48 ժամումԱրագածոտնի մարզում Քարի լիճ տանող ավտոճանապարհը փակ է«Վայոց ձոր» բժշկական կենտրոնում հիվանդի հարազատը ծեծել է երկու բժշկիԸնդդիմությունը կարծիք ունի այնքանով, որքանով կարծիք ունեն Բաքուն և Մոսկվան. ԿարապետյանStarship-ը իր 15-րդ թռիչքն իրականացրեց Տեխասի Սթարբեյս քաղաքիցԳալապագոսի պինգվիններին սպառնում է ոչնչացում Էլ Նինյոյի պատճառովՓաշինյանը ներկա է գտնվել ՖՄԿ 20-րդ գագաթնաժողովի բացման արարողությանըԺաննա Անդրեասյանը և Միխայիլ Դեգտյարևը քննարկել են սպորտի ոլորտում Հայաստան-Ռուսաստան համագործակցության հեռանկարներըՆԳՆ քրեական ոստիկաններն Արագածոտնի մարզում ապօրինի հանքարդյունահանման դեպք են բացահայտելՄասիս Մելքոնյանին գաղտնալսե՞լ ենԱրտակարգ դեպք՝ Գյումրիում. պայթել է մեքենայից հանված հեղուկ գազի բալոնը․ երկու քաղաքացի հոսպիտալացվել էՄոսկվայում նշվեց Հայոց գրերի օրըԲԴԽ-ն դատավորներ Մասիս Մելքոնյանին և Գևորգ Պողոսյանին զրկել է անձեռնմխելիությունիցԳազայում զոհերի թիվը հասել է 74,695-իԴատավոր Դավիթ Գրիգորյանին պետությունը կփոխհատուցի 6 մլն դրամ՝ հոգեկան տшռապանք կրելու համարՆա մտել է բшնտ` առողջ, իսկ մի քանի շաբաթվա ընթացքում բшնտից մեզ հանձնել են մարդու՝ անշնչшցած․ Նարեկ Կարապետյանը՝ Արսեն Գևորգյանի մասին (տեսանյութ)Հայաստանը ներառվել է հեղինակավոր Condé Nast Traveller Middle East-ի՝ 2027 թվականին այցելելու աշխարհի 27 լավագույն ուղղությունների ցանկում․ ՊապոյանՆիկոլ Փաշինյանը և Հնդկաստանի ԱԳ նախարարը քննարկել են Հայաստան-Հնդկաստան բազմաոլորտ համագործակցությանը վերաբերող հարցերԿոտայքի մարզում բախվել են «Nissan Tiida»-ն և «BMW X5»-ը․ 3 վիրավորներից 2-ն անչափահաս ենՀարգելի՛ դատավորներ, նայե՛ք Մասիս Մելքոնյանին և խղճացե՛ք ինքներդ ձեզ․ Ռուբեն ՄելիքյանԳերիների ազատ արձակումը պահանջում է կոնկրետ գործողություններ. Արցախի պետնախարարՍկսվել է աշխատանքը ՌԴ-ի և Ուկրաինայի միջև հակամարտության սկզբից ի վեր գերիների ամենախոշոր փոխանակման ուղղությամբՄոսկվան պայմաններ չի դնի եվրոպական բանակցային թիմի կազմի վերաբերյալ․ ՊեսկովՄոսկվայում ստորագրվել է Ռուս-հայկական համալսարանի կառավարման խորհրդի կանոնակարգըԴատախազությունը միջնորդել է անձեռնմխելիությունից զրկել դատավորներ Մասիս Մելքոնյանին և Գևորգ Պողոսյանին․ նրանք կկալանավորվեն
Հայաստան

Հայաստանի, Վրաստանի, Ավստրիայի և Հյուսիսային Մակեդոնիայի բուհերը ամփոփել են եռամյա համագործակցությունը

Երևանի պետական համալսարանում տեղի ունեցավ «JoPScip» («Քաղաքագիտություն. ինտեգրում և կառավարում») ծրագրի ամփոփիչ համաժողովը։ Ներկայացվեցին երեք տարվա ընթացքում Հայաստանի, Վրաստանի, Ավստրիայի և Հյուսիսային Մակեդոնիայի համալսարանների համագործակցությամբ կատարված աշխատանքի հիմնական արդյունքները՝ քաղաքագիտության համատեղ մագիստրոսական ծրագրի մշակումից մինչև միջազգային հավատարմագրում, դասախոսների կարողությունների զարգացում և թվային կրթական միջավայրի ստեղծում։ Քննարկվեցին նաև ձեռք բերված արդյունքները պահպանելու և գործընկերների համագործակցությունը շարունակելու հնարավորությունները։

«Capacity Building in Higher Education Curriculum Development-Joint MA Program in Political Science» («JoPScip») ծրագիրը միավորել է չորս երկրների համալսարանների՝ նպատակ ունենալով զարգացնելու քաղաքագիտության կրթությունը և ամրապնդելու Արևելյան գործընկերության տարածաշրջանի բուհերի կարողությունները։ Նախաձեռնությունը միտված է նաև կրթության միջոցով արդյունավետ կառավարման, խաղաղության, անվտանգության և ակտիվ քաղաքացիության խթանմանը։

Ծրագրի առանցքային արդյունքը «Քաղաքագիտություն. ինտեգրում և կառավարում» («Political Science-Integration and Governance», «PoSIG») համատեղ մագիստրոսական կրթական ծրագրի մշակումն է։ Այն նախատեսում է միջազգային ակադեմիական համագործակցություն, ինչպես նաև ուսանողների համար տարբեր երկրների համալսարաններում կրթություն ստանալու հնարավորություններ՝ խթանելով ակադեմիական շարժունությունը, փորձի փոխանակումն ու բարձրագույն կրթության միջազգայնացումը։

Համաժողովի ընթացքում ԵՊՀ ռեկտոր Հովհաննես Հովհաննիսյանն անդրադարձավ ծրագրի իրականացման ընթացքում հանդիպած դժվարություններին՝ ընդգծելով, որ նախաձեռնության հաջողության համար կարևոր էր գործընկերների միասնական աշխատանքն ու ակադեմիական համագործակցությունը քաղաքական ազդեցություններից զերծ պահելու սկզբունքը։

«Ակադեմիական ոլորտը պետք է զերծ լինի քաղաքական ազդեցություններից և առաջնորդվի զուտ ակադեմիական նպատակներով։ Ծրագրի իրականացման ընթացքում, չնայած բարձրագույն կրթության ոլորտում տեղի ունեցող փոփոխություններին և լիցենզավորման ընթացակարգերի վերանայմանը, նախարարությունն աջակցեց նախաձեռնությանը և տրամադրեց անհրաժեշտ լիցենզիան։ Սա Կառավարության աջակցության կարևոր դրսևորում էր։ Կարծում եմ՝ փակման համաժողովը ծրագրի առաջին փուլի ավարտն է, և հաջորդ փուլը դեռ առջևում է»,- նշեց Հովհաննես Հովհաննիսյանը։

Ծրագրի երեք տարվա աշխատանքն ու հիմնական արդյունքները ներկայացրեց «JoPScip»-ի համակարգող, Վրաստանի հանրային կապերի ինստիտուտի (GIPA) ներկայացուցիչ Անանո Գորգոձեն։ Նրա խոսքով՝ ծրագրի նպատակն ի սկզբանե միայն համալսարանների կարողությունների զարգացումը չէր. այն միտված էր նաև տարածաշրջանում քաղաքագիտության կրթության ամրապնդմանը և տարբեր երկրների քաղաքական գործընթացների համեմատական ուսումնասիրության հնարավորությունների ընդլայնմանը։

«Մեր նպատակը միայն համալսարանների կարողությունների զարգացումը չէր։ Մենք ցանկանում էինք նպաստել տարածաշրջանում կառավարման, խաղաղության և անվտանգության ամրապնդմանը՝ պատրաստելով նոր սերնդի առաջնորդների, որոնք կկարողանան մասնակցել այդ փոփոխություններին»,- նշեց նա։

Ծրագրի կարևոր ուղղություններից էին նաև դասախոսների մասնագիտական կարողությունների զարգացումը, դասավանդման նոր մեթոդների կիրառումը և թվային կրթական ենթակառուցվածքների ստեղծումը։ Երեք տարվա ընթացքում կազմակերպվել են վերապատրաստումներ և փորձի փոխանակման հանդիպումներ, իսկ գործընկեր համալսարանների ներկայացուցիչները համագործակցել են ուսումնական բովանդակության ու մոդուլների մշակման և դասավանդման մոտեցումների կատարելագործման ուղղությամբ։

Ծրագրի շրջանակում ստեղծվել է նաև վիրտուալ կրթական միջավայր, որը նախատեսված է գործընկեր համալսարանների համատեղ ուսուցման, դասավանդման և ակադեմիական համագործակցության համար։ Ստեղծված այդ հարթակը կշարունակի ծառայել բուհերին նաև ֆինանսավորման ավարտից հետո՝ ապահովելով համագործակցության և փորձի փոխանակման լրացուցիչ հնարավորություններ։

Արդյունքներից է նաև համատեղ մագիստրոսական կրթական ծրագրի արտաքին գնահատումն ու հավատարմագրման գործընթացը։ ԵՊՀ ռեկտորի ելույթում նշվեց, որ «AQ Austria»-ի արտաքին գնահատման ընթացքում հաստատվել է ծրագրի համապատասխանությունը կիրառելի չափանիշներին։ Համատեղ մշակված ուսումնական ծրագիրն ընդգրկում է վեց մոդուլ և 85 դասընթաց՝ գործընկեր հաստատությունների միջև կրթական հնարավորություններն ընդլայնելու նպատակով։

Միջազգային համագործակցության նշանակությանը ու ծրագրի արդյունքները կրթական ավելի լայն համայնքին փոխանցելու կարևորությանը անդրադարձավ նաև Հայաստանում «Էրազմուս+» ազգային գրասենյակի համակարգող Մարիանա Սարգսյանը։ Անդրադառնալով «JoPScip» ծրագրի նշանակությանը՝ նա շեշտեց. «Արժեքավորը միայն ծրագրի շրջանակում ստեղծված արդյունքները չեն, այլև այն գիտելիքն ու փորձը, որ մասնակիցները ձեռք են բերում և հետագայում փոխանցում ակադեմիական համայնքին։ Ծրագրի շնորհիվ գործընկեր համալսարաններն ամրապնդել են համատեղ մագիստրոսական ծրագրեր մշակելու իրենց կարողությունները։ Այս փորձի փոխանակումը կարող է խթանել նոր նախաձեռնություններ և միջազգային համագործակցության հնարավորություններ ստեղծել նաև այլ բուհերի համար»։

Նրա խոսքով՝ «Էրազմուս+»-ի ծրագրերը համալսարաններին հնարավորություն են տալիս եվրոպական, տարածաշրջանային և միջազգային փորձի փոխանակման արդյունքում ներդնելու նոր մոտեցումներ և ձևավորելու համագործակցություններ, որոնք կարող են շարունակվել նաև ֆինանսավորման ավարտից հետո։ Այս համատեքստում «JoPScip»-ը հիմք կդառնա կրթական համագործակցության նոր նախաձեռնությունների համար։

Համաժողովի ընթացքում անդրադարձ եղավ նաև քաղաքագիտության ոլորտում հետագա համագործակցության հնարավորություններին։ Մասնավորապես՝ քննարկվեց բակալավրի կրթական մակարդակում համագործակցությունը զարգացնելու և «Էրազմուս+»-ի շրջանակում նոր նախաձեռնություններ մշակելու գաղափարը, ինչը կընդլայնի ծրագրի շրջանակում ձևավորված կապերը և կնպաստի միջազգային կրթական փորձի հետագա տարածմանը։