ՊՆ-ն ու ԳՇ-ն «տեղում» չեն. ով է պատասխան տալու ադրբեջանցի հովվի՝ սահմանը հատելու միջադեպի համար․ «Ժողովուրդ»
«Ժողովուրդ» օրաթերթը գրում է. ««Ժողովուրդ» օրաթերթի իշխանական աղբյուրների փոխանցմամբ՝ իշխանությունների ներսում և իրավական համակարգում թեժ քննարկումներ են ընթանում՝ կապված ադրբեջանցի հովվի՝ Հայաստանի սահմանը հատելու միջադեպի հետ։
Խնդիրն այն է, որ այն հատվածում, որտեղից ադրբեջանցին հատել է սահմանը, վերահսկողությունն իրականացնում է պաշտպանության նախարարությունը։ Հետևաբար, միջադեպը մի շարք հարցեր է առաջացրել՝ առաջին հերթին բանակի ծառայության կազմակերպման, սահմանային վերահսկողության և պատասխանատու պաշտոնյաների գործողությունների կամ անգործության վերաբերյալ։
Որտե՞ղ էր բանակը, երբ ադրբեջանցի հովիվը հատում էր սահմանը։ Ո՞վ էր պատասխանատու այդ հատվածի անվտանգության համար, և ինչո՞ւ հնարավոր չի եղել կանխել նման միջադեպը։
Այս հարցերն այժմ, ըստ մեր աղբյուրների, քննարկվում են իշխանական շրջանակներում։ Ուշադրության կենտրոնում են պաշտպանության նախարար Սուրեն Պապիկյանի ղեկավարած գերատեսչությունն ու նաև Զինված ուժերի գլխավոր շտաբի պետ Էդվարդ Ասրյանը, որոնցից ակնկալվում է բացատրություն՝ սահմանային վերահսկողության կազմակերպման վերաբերյալ։
Հատկանշական է, որ տվյալ հատվածում սահմանազատում դեռևս իրականացված չէ։ Սակայն սահմանազատման բացակայությունն ինքնին չի վերացնում սահմանային անվտանգության ապահովման և հնարավոր միջադեպերի կանխարգելման անհրաժեշտությունը։
Ավելին՝ ադրբեջանցի հովվի՝ սահմանը հատելու փաստը հարցեր է առաջացնում ոչ միայն կոնկրետ միջադեպի հանգամանքների, այլև սահմանային վերահսկողության արդյունավետության վերաբերյալ։ Եթե այդ հատվածում վերահսկողություն իրականացվում էր, ապա ինչպե՞ս է օտարերկրյա քաղաքացին կարողացել անցնել սահմանը, և արդյոք ծառայողական պարտականությունները պատշաճ են կատարվել։
Կառավարության նիստում վարչապետ Նիկոլ Փաշինյանն անդրադարձել է միջադեպին՝ հայտարարելով, որ մեղավորների և տեղի ունեցածի հանգամանքները պարզելու դեպքում պատասխանատուները կենթարկվեն պատասխանատվության։
Այս հայտարարության ֆոնին իշխանական շրջանակներում, ըստ «Ժողովուրդ» օրաթերթի աղբյուրների, քննարկվում է նաև պաշտպանության նախարարության ղեկավարության և Գլխավոր շտաբի պետի պատասխանատվության հարցը»։
Մանրամասները՝ «Ժողովուրդ» օրաթերթի այսօրվա համարում։


















































Շաքի գյուղ մտած ադրբեջանցի զինծառայողի գործով քրեական վարույթն ավարտվել է, մեղադրական եզրակացությամբ ուղարկվել է դատախազին
Շաքիում ադրբեջանցի զինծառայողի կրակոցներից վիրավորված Անի Ավետիսյանին երրորդ անգամ վիրահատել են
Սանկտ Պետերբուրգում ադրբեջանցին հենց կանանց աջակցության կենտրոնի դիմաց uպшնել է զուգընկերուհուն
Շաքիի դեպքով կալանավորված ադրբեջանցի զինծառայողը հարցաքննվել է և ցուցմունքներ տվել. Պողոսյան
ՀՀ ՔԿ-ն քրեական վարույթ չի նախաձեռնել ադրբեջանցու ՀՀ սահմանը հատելու դեպքով
«Բայազետ հոլլ»-ում հարսանեկան արարողության մասնակիցներից երկու անչափահաս «Ինֆինիտի»-ով վթարի են ենթա...
Հ1-ի տաղավարում ծեծկռտուք է եղել․ «Հրապարակ»
Եթե Հայաստանում իրավիճակն իրոք այնքան լավ է, ինչպես ներկայացվում է, ապա ինչո՞ւ են հազարավոր հայեր գե...
Այսօր խոշոր ավտովթար է տեղի ունեցել Գեղարքունիքի մարզում
Փոխոստիկանապետն ասաց՝ եթե ուզում ես ընտանիքդ ապահով լինի, պիտի ասես, որ դու ես արել. Վալոդյա Գրիգորյ...
Շտապօգնության ավտոմեքենան վրшերթի է ենթարկել փողոցը չթույլատրելի հատվածով անցնող հետիոտնին. վերջինս ...
«Երևան ավտոբուսը»՝ 13 տարեկան անչափահաս աղջկան ավտոբուսից իջեցնելու դեպքի մասին
Վաղարշապատում 15-ամյա աղջիկների վեճը տղայի պատճառով չի եղել. փաստաբանի պարզաբանումը
Ավտոբուսը վարելիս մահացել է 22 համարի երթուղու վարորդը
Մասիս Մելքոնյանին գաղտնալսե՞լ են