Հակակոռուպցիոն դատարանը կքննի Ռոբերտ և Սեդրակ Քոչարյանների նկատմամբ կալանքի ժամկետը։ Ովքե՞ր են գործերը քննող դատավորները
Հոկտեմբերի 20-ին Հակակոռուպցիոն դատարանը կքննի Ռոբերտ և Սեդրակ Քոչարյանների նկատմամբ կալանքի ժամկետը երկու ամսով երկարաձգելու վերաբերյալ դատախազության միջնորդությունները։
Այս մասին Yerevan.Today.am- փոխանցմամբ հայտնել է «Հայաստան» դաշինքը։
Աղբյուրի հաղորդմամբ, ժամը 18։00-ին կքննվի Սեդրակ Քոչարյանի խափանման միջոցի հարցը, որը մակագրվել է դատավոր Արամ Գրիգորյանին, իսկ 18։30-ին՝ Ռոբերտ Քոչարյանի խափանման միջոցի հարցը, որը մակագրվել է դատավոր Վարդգես Ստեփանյանին։
Աղբյուրը մանրամասներ է ներտայացնում գործերը քննող դատավորների վերաբերյալ։
Ո՞վ է դատավոր Արամ Գրիգորյանը
Արամ Գրիշայի Գրիգորյանը ծնվել է 1967 թվականին՝ Տավուշի մարզի Բերդ քաղաքում։ 1984–1991 թվականներին սովորել է Երևանի պետական համալսարանի իրավագիտության ֆակուլտետում։2007–2013 թվականներին աշխատել է Հատուկ քննչական ծառայությունում՝ որպես հատկապես կարևոր գործերով քննիչ, 2013–2014 թվականներին՝ ՀՀ գլխավոր դատախազությունում՝ որպես հատկապես կարևոր գործերի քննության նկատմամբ հսկողության վարչության դատախազ։ 2018–2021 թվականներին կրկին աշխատել է Հատուկ քննչական ծառայությունում՝ որպես ծառայության պետի խորհրդական, իսկ 2021–2022 թվականներին եղել է Հակակոռուպցիոն կոմիտեի նախագահի խորհրդական։
2022 թվականի հուլիսի 30-ին նշանակվել է Հակակոռուպցիոն դատարանի՝ կոռուպցիոն հանցագործությունների վերաբերյալ վարույթներով մասնագիտացմամբ դատավոր։Գրիգորյանը հանրային ուշադրության կենտրոնում է հայտնվել մի շարք աղմկահարույց գործերի քննության ընթացքում, այդ թվում՝ Գագիկ Ծառուկյանի, Գագիկ Խաչատրյանի և «Ուժեղ Հայաստան» կուսակցության ներկայացուցիչ Արթուր Ավանեսյանի գործերով։
HelpCourt.am-ի՝ կայքում հրապարակված տվյալներով՝ Գրիգորյանի վարկանիշը 15 է։
Ո՞վ է դատավոր Վարդգես Ստեփանյանը
Վարդգես Արամի Ստեփանյանը 32 տարեկան է՝ Սևան քաղաքից, ավարտել է ԵՊՀ իրավագիտության ֆակուլտետը, իսկ 2022 թվականին՝ նույն ֆակուլտետի մագիստրատուրան։
2018–2020 թվականներին աշխատել է ՀՀ զինված ուժերի գլխավոր շտաբի իրավաբանական ստորաբաժանումներում, 2020–2021 թվականներին՝ Ազգային ժողովում՝ որպես փորձագետ։ 2021–2023 թվականներին աշխատել է Վերաքննիչ քրեական դատարանում՝ որպես դատավորի օգնական, այնուհետև՝ Հակակոռուպցիոն դատարանում՝ նույն պաշտոնում։
2023 թվականի հոկտեմբերի 27-ին ՀՀ նախագահի հրամանագրով նշանակվել է Հակակոռուպցիոն դատարանի՝ կոռուպցիոն հանցագործությունների վերաբերյալ վարույթներով մասնագիտացմամբ դատավոր։
Ստեփանյանը նույնպես քննել է հանրային ուշադրության արժանացած գործեր։ Մասնավորապես՝ 2026 թվականի մարտի 13-ին նա որոշել է մեկ ամսով երկարաձգել գործարար Սամվել Կարապետյանի տնային կալանքի ժամկետը։
HelpCourt.am-ի հրապարակած տվյալներով՝ Ստեփանյանի վարկանիշը 0 է։
Նշենք, որ 2 դատավորն էլ իրենց դատավորի կարիերան սկսել են Նիկոլ Փաշինյանի օրոք, Արամ Գրիշայի Գրիգորյանը դատավոր է նշանակվել 2022 թվականի հուլիսի 30-ին, Վարդգես Արամի Ստեփանյանը՝ 2023 թվականի հոկտեմբերի 27-ին։


















































Այս դահլիճում արդարադատություն չի իրականացվում. Սարգսյան
Գագիկ Ծառուկյանի կալանքը երկարաձգվեց 3 ամսով
«Բայազետ հոլլ»-ում հարսանեկան արարողության մասնակիցներից երկու անչափահաս «Ինֆինիտի»-ով վթարի են ենթա...
Հ1-ի տաղավարում ծեծկռտուք է եղել․ «Հրապարակ»
Եթե Հայաստանում իրավիճակն իրոք այնքան լավ է, ինչպես ներկայացվում է, ապա ինչո՞ւ են հազարավոր հայեր գե...
Այսօր խոշոր ավտովթար է տեղի ունեցել Գեղարքունիքի մարզում
Փոխոստիկանապետն ասաց՝ եթե ուզում ես ընտանիքդ ապահով լինի, պիտի ասես, որ դու ես արել. Վալոդյա Գրիգորյ...
Շտապօգնության ավտոմեքենան վրшերթի է ենթարկել փողոցը չթույլատրելի հատվածով անցնող հետիոտնին. վերջինս ...
«Երևան ավտոբուսը»՝ 13 տարեկան անչափահաս աղջկան ավտոբուսից իջեցնելու դեպքի մասին
Վաղարշապատում 15-ամյա աղջիկների վեճը տղայի պատճառով չի եղել. փաստաբանի պարզաբանումը
Ավտոբուսը վարելիս մահացել է 22 համարի երթուղու վարորդը
Մասիս Մելքոնյանին գաղտնալսե՞լ են