Իրավապահները բռնել են տղամարդուն՝ մինչև բնակարանային գnղության վերաբերյալ ստացված ահազանգը (տեսանյութ)
Քրեական ոստիկանության Երևան քաղաքի վարչության սեփականության դեմ ուղղված հանցագործությունների դեմ պայքարի բաժնի ծառայողները ստացել էին օպերատիվ տեղեկություն, որ Կոտայքի մարզի բնակիչ, նախկինում դատապարտված 48-ամյա տղամարդը մայրաքաղաքի տարբեր վարչական շրջաններում կատարում է բնակարանային գողություններ։
Օպերատիվ-հետախուզական միջոցառումներից հետո հոկտեմբերի 6-ի առավոտյան քրեական ոստիկանները կազմակերպեցին դարանակալում։ Ժամը 8․30-ին տղամարդը հայտնաբերվեց Արզնու իր բնակավայրին կից դաշտում, ձերբակալվեց ու տեղափոխվեց վարչություն։ Նրա խուզարկությամբ հայտնաբերվեց ոսկյա մատանի։
Շուտով ստացվեց նաև համապատասխան հաղորդումը։ ՆԳՆ օպերատիվ կառավարման կենտրոն զանգահարած քաղաքացին հայտնեց, որ գիշերը Նոր Արեշի իր տնից գողացել են գումար և չհրկիզվող պահարան, որի մեջ եղել են զարդեր և գազային ատրճանակ։
Էրեբունի և Նուբարաշեն վարչական շրջանների քննչական բաժնում նախաձեռնվեց քրեական վարույթ՝ բնակարան ապօրինի մուտք գործելով կատարված գողության հատկանիշներով։
Սեփականության դեմ ուղղված հանցագործությունների դեմ պայքարի բաժնի ծառայողները, համագործակցելով տեխնիկական աջակցման բաժնի գործընկերների հետ, հիմնավորեցին, որ հիշյալ գողությունը կատարել է հենց 48-ամյա տղամարդը։
Նա կալանավորվել ու տեղափոխվել է քրեակատարողական հիմնարկ։ Նախաքննությունը շարունակվում է։


















































«Բայազետ հոլլ»-ում հարսանեկան արարողության մասնակիցներից երկու անչափահաս «Ինֆինիտի»-ով վթարի են ենթա...
Հ1-ի տաղավարում ծեծկռտուք է եղել․ «Հրապարակ»
Եթե Հայաստանում իրավիճակն իրոք այնքան լավ է, ինչպես ներկայացվում է, ապա ինչո՞ւ են հազարավոր հայեր գե...
Այսօր խոշոր ավտովթար է տեղի ունեցել Գեղարքունիքի մարզում
Փոխոստիկանապետն ասաց՝ եթե ուզում ես ընտանիքդ ապահով լինի, պիտի ասես, որ դու ես արել. Վալոդյա Գրիգորյ...
Շտապօգնության ավտոմեքենան վրшերթի է ենթարկել փողոցը չթույլատրելի հատվածով անցնող հետիոտնին. վերջինս ...
«Երևան ավտոբուսը»՝ 13 տարեկան անչափահաս աղջկան ավտոբուսից իջեցնելու դեպքի մասին
Վաղարշապատում 15-ամյա աղջիկների վեճը տղայի պատճառով չի եղել. փաստաբանի պարզաբանումը
Ավտոբուսը վարելիս մահացել է 22 համարի երթուղու վարորդը
Մասիս Մելքոնյանին գաղտնալսե՞լ են