Մենք այսօր հանդիպում ենք միջազգային հարաբերությունների նշանակալի փոփոխությունների դարաշրջանում. Միրզոյան
Այսօր Երևանում ՄԱԿ-ի Կենսաբազմազանության 17-րդ համաժողովի (COP17) բացման արարողությանը ելույթ է ունեցել ՀՀ ԱԳ և միջազգային առևտրի նախարար Արարատ Միրզոյանը՝ ընդգծելով միջազգային բազմակողմ համագործակցության և կենսաբազմազանության պահպանման առանցքային նշանակությունը։ Նախարարն իր ելույթում անդրադարձել է աշխարհում տեղի ունեցող աշխարհագրաքաղաքական և տնտեսական փոփոխություններին․ «Մենք այսօր հանդիպում ենք միջազգային հարաբերությունների նշանակալի փոփոխությունների դարաշրջանում։ Աշխարհագրաքաղաքական լարվածությունը, տնտեսական անորոշությունը և մրցող ազգային առաջնահերթությունները աճող ճնշում են գործադրում միջազգային կառույցների և համագործակցության ձևավորված մեխանիզմների վրա։ Այսպիսի հանգամանքներում ՄԱԿ-ի և մի շարք այլ հայտնի միջազգային կազմակերպությունների կարևորությունը նպաստում է այնպիսի շրջանակի ձևավորմանը, որտեղ պետությունները, անկախ ռեսուրսներից, կարողություններից ու քաղաքական տարբերություններից, կարող են հավասար պայմաններում քննարկել, համադրել իրար բախվող շահերը և հետապնդել համագործակցության նպատակը։ Արդյունավետ բազմակողմանիությունը Հայաստանի համար մեր արտաքին քաղաքականության կարևոր մաս է»,- նշել է նա։
Իր խոսքում, անդրադառնալով Հայաստանի կողմից COP17 համաժողովն ու առաջնորդների գագաթնաժողովը հյուրընկալելու որոշմանը, Արարատ Միրզոյանն ընդգծել է, որ դա վերահաստատում է երկրի պատրաստակամությունը՝ ակտիվորեն նպաստելու գլոբալ բնապահպանական գործընթացներին․
«Նախագահությունը դիտարկում ենք ոչ թե որպես ինքնանպատակ, այլև որպես հնարավորություն՝ կողմերին օգնելու ձևավորել վստահություն, հաղթահարել տարբերությունները և առաջ մղել ընդհանուր օրակարգը․․․ Մենք առաջ կգնանք անկողմնակալությամբ, ներառականությամբ և հարգանքով՝ մեր կոնվենցիայի միջկառավարական բնույթից ելնելով»,-նշել է նա։
Իր ելույքի ընթացքում ՀՀ ԱԳ նախարարը հատուկ ուշադրություն է հրավիրել այն հանգամանքի վրա, որ կենսաբազմազանության պահպանությունը դուրս է գալիս զուտ բնապահպանության շրջանակներից և Կենսաբանական բազմազանության կարևորությունը միջազգային օրակարգում անցնում է շրջակա միջավայրի պահպանության համակարգից անդին․«Կլիմայի փոփոխությունը, պարենային անվտանգությունը, կայուն զարգացումը, կենսաբանական բազմազանությունը փոխկապակցված են սերտորեն։ Մեկ ոլորտում կայացված որոշումներն ակնհայտորեն աճող ազդեցություն կարող են ունենալ մնացած բոլոր ուղղություններում․․․ Սա ենթադրում է ավելի սերտ համակարգում այս ոլորտներում և ավելի մեծ ուշադրություն փոխկապակցվածությանը»,- իր խոսքում նշել է Միրզոյանը։
Ելույթի ավարտին Արարատ Միրզոյանը շնորհակալություն է հայտնել բոլոր պատվիրակություններին Երևան այցելելու համար' մաղթելով արդյունավետ քննարկումներ։


















































Արարատ Միրզոյանը կարճատև քննարկում է ունեցել Եվրոպական հանձնաժողովի փոխնախագահ Կայա Կալասի հետ
Դուբլինում Միրզոյանն ու Բայրամովը կարճատև զրույց են ունեցել
Մեր հանձնառությունն է՝ րոպե առաջ հնարավոր դարձնել Ադրբեջանի հետ խաղաղության համաձայնագրի ստորագրումը. Արարատ Միրզոյան
Արարատ Միրզոյանը և Լիբանանի ԱԳ նախարարը քննարկել են Հարավային Կովկասում և Մերձավոր Արևելքում տեղի ունեցող զարգացումները
Բահրեյնում կմասնակցեմ «Մանամայի երկխոսություն» անվտանգության ֆորումին. Միրզոյան
«Բայազետ հոլլ»-ում հարսանեկան արարողության մասնակիցներից երկու անչափահաս «Ինֆինիտի»-ով վթարի են ենթա...
Հ1-ի տաղավարում ծեծկռտուք է եղել․ «Հրապարակ»
Եթե Հայաստանում իրավիճակն իրոք այնքան լավ է, ինչպես ներկայացվում է, ապա ինչո՞ւ են հազարավոր հայեր գե...
Այսօր խոշոր ավտովթար է տեղի ունեցել Գեղարքունիքի մարզում
Փոխոստիկանապետն ասաց՝ եթե ուզում ես ընտանիքդ ապահով լինի, պիտի ասես, որ դու ես արել. Վալոդյա Գրիգորյ...
Շտապօգնության ավտոմեքենան վրшերթի է ենթարկել փողոցը չթույլատրելի հատվածով անցնող հետիոտնին. վերջինս ...
«Երևան ավտոբուսը»՝ 13 տարեկան անչափահաս աղջկան ավտոբուսից իջեցնելու դեպքի մասին
Վաղարշապատում 15-ամյա աղջիկների վեճը տղայի պատճառով չի եղել. փաստաբանի պարզաբանումը
Ավտոբուսը վարելիս մահացել է 22 համարի երթուղու վարորդը
Մասիս Մելքոնյանին գաղտնալսե՞լ են