Ըմբշամարտ. Հայաստանի երկու ներկայացուցիչ կպայքարի Մ23 ԱԱ-ի բրոնզե մեդալի համար
ԱՄՆ-ի Լաս Վեգաս քաղաքում ընթացող ըմբշամարտի մինչև 23 տարեկանների աշխարհի առաջնությունում մեկնարկել է ազատ ոճայինների պայքարը, որով էլ կեզրափակվի ստուգատեսի մրցումային ծրագիրը։ Մրցումային առաջին օրը գորգ են դուրս եկել 61, 74, 86, 92 և 125 կգ քաշային կարգերի ներկայացուցիչները։
Մեկնարկային օրը Հայաստանի հավաքականի կազմում պայքարի մեջ է մտել 5 ըմբիշ, որոնցից երկուսը՝ Սարգիս Բեգոյանն (61 կգ) ու Ռազմիկ Եփրեմյանը (86 կգ), շարունակում են պայքարը բրոնզե մեդալների համար։
Մեր ընտրանու կազմում եզրափակչի ուղեգրին ամենամոտը 61 կգ քաշային Սարգիս Բեգոյանն էր։ Հաղթահարելով նախնական փուլերի արգելքը՝ հայ ըմբիշը մտել է լավագույն քառյակ, որտեղ եզրափակչի ուղեգրի համար ուժերը չափել է Ղրղզստանի ներկայացուցիչ Յուխան Դոկտուրբեկ Ուուլուի հետ։ Չափազանց դիտարժան, լարված և միավորներով հարուստ գոտեմարտում Բեգոյանը համառ դիմադրություն է ցույց տվել, սակայն վերջնամասում զիջել է 8։10 հաշվով։ Հայ մարզիկը պայքարը կշարունակի անմիջապես բրոնզե մեդալի համար գոտեմարտում։
Պատվո հարթակին կանգնելու հնարավորությունը պահպանել է նաև 86 կգ քաշային Ռազմիկ Եփրեմյանը։ Քառորդ եզրափակչում հայ ըմբիշը 1։3 հաշվով զիջել էր Թուրքիայի ներկայացուցիչ Ահմեթ Յագանին։ Վերջինս կիսաեզրափակչում 3։2 հաշվով առավելության է հասել մոլդովացի Եվգենի Միխալչինի նկատմամբ և դուրս եկել եզրափակիչ՝ դրանով իսկ Եփրեմյանին հնարավորություն տալով պայքարը շարունակել սփոփիչ գոտեմարտերում։ Այժմ Ռազմիկը սփոփիչ փուլի արգելքը հաղթահարելու դեպքում ևս կպայքարի աշխարհի առաջնության բրոնզե մեդալի համար։
Առաջին օրը մրցագորգ դուրս եկած Հայաստանի մյուս երեք ներկայացուցիչները, ցավոք, լքել են հետագա պայքարը։
Հավելենք, որ մեկնարկային հինգ քաշային կարգերի մեդալային գոտեմարտերը կկայանան հոկտեմբերի 18-ին և կմեկնարկեն Երևանի ժամանակով առավոտյան 05:00-ին։ Ըմբշամարտի Մ23 աշխարհի առաջնությունը կավարտվի հոկտեմբերի 18-ին։


















































Ռուսաստանը ներկայացնող հայազգի մարզիկը դարձել է Աշխարհի փոխչեմպիոն
Հայ մարզիկները մեդալներ են ստացել
«Բայազետ հոլլ»-ում հարսանեկան արարողության մասնակիցներից երկու անչափահաս «Ինֆինիտի»-ով վթարի են ենթա...
Հ1-ի տաղավարում ծեծկռտուք է եղել․ «Հրապարակ»
Եթե Հայաստանում իրավիճակն իրոք այնքան լավ է, ինչպես ներկայացվում է, ապա ինչո՞ւ են հազարավոր հայեր գե...
Այսօր խոշոր ավտովթար է տեղի ունեցել Գեղարքունիքի մարզում
Փոխոստիկանապետն ասաց՝ եթե ուզում ես ընտանիքդ ապահով լինի, պիտի ասես, որ դու ես արել. Վալոդյա Գրիգորյ...
Շտապօգնության ավտոմեքենան վրшերթի է ենթարկել փողոցը չթույլատրելի հատվածով անցնող հետիոտնին. վերջինս ...
«Երևան ավտոբուսը»՝ 13 տարեկան անչափահաս աղջկան ավտոբուսից իջեցնելու դեպքի մասին
Վաղարշապատում 15-ամյա աղջիկների վեճը տղայի պատճառով չի եղել. փաստաբանի պարզաբանումը
Ավտոբուսը վարելիս մահացել է 22 համարի երթուղու վարորդը
Մասիս Մելքոնյանին գաղտնալսե՞լ են