Լեոնարդո Դի Կապրիոն ընդգծել է Հայաստանի դերն անհետացող տեսակների պաշտպանության միջազգային նախաձեռնությունում (COP17)
Հայաստանն ու Կոլումբիան գլխավորել են անհետացող կենդանիների և բույսերի պոպուլյացիաների վերականգնմանն ուղղված միջազգային նախաձեռնությունը։ Այս մասին Instagram-ում գրել է ամերիկացի դերասան և բնապահպանական ակտիվիստ Լեոնարդո Դի Կապրիոն՝ անդրադառնալով ՄԱԿ-ի Կենսաբազմազանության COP17 համաժողովում հայտարարված որոշումներին։
Ըստ Դի Կապրիոյի՝ Անհետացող տեսակների վերականգնման գործողությունների նոր կոալիցիային (Coalition of Action to Recover Endangered Species, CARES) արդեն միացել է 17 երկիր, որոնք պարտավորվել են ակտիվացնել ջանքերը տեսակների ոչնչացումը կանխելու և դրանց պոպուլյացիաները վերականգնելու ուղղությամբ։
«Միայն ոչնչացումը կանխելը բավարար չէ։ Մենք պետք է օգնենք վտանգված տեսակներին հետ քայլ անել անդունդի եզրից և վերականգնել նրանց պոպուլյացիաները։ Այսօր ՄԱԿ-ի Կենսաբազմազանության համաժողովում (COP17) հնչած հայտարարությունները վկայում են այս նպատակի շուրջ ձևավորվող միջազգային աճող աջակցության մասին»,— նշել է դերասանը։
Դի Կապրիոն հայտնել է նաև Տեսակների վերականգնման դաշինքի (Species Recovery Alliance) ստեղծման մասին։ Ինը բարեգործական հիմնադրամներ ու կազմակերպություններ, այդ թվում՝ նրա մասնակցությամբ ստեղծված Re բնապահպանական կազմակերպությունը, միավորել են ջանքերը և պարտավորվել հինգ տարվա ընթացքում ավելի քան 500 միլիոն դոլար հատկացնել անհետացման եզրին գտնվող տեսակների փրկությանը։ Ֆինանսավորումը կուղղվի ինչպես լիակատար ոչնչացման վտանգի տակ գտնվող, այնպես էլ միայն անազատության մեջ պահպանված տեսակների վերականգնմանը։
Դերասանն ընդգծել է, որ երկու նախաձեռնություններն էլ ընդհանուր նպատակ ունեն՝ օգնել առավել խոցելի տեսակների վերականգնմանը։ Դրա համար անհրաժեշտ են երկարաժամկետ ֆինանսավորում, բնապահպանական համաձայնեցված միջոցառումներ և մասնակիցների հաստատուն հանձնառություն։
Դի Կապրիոն շնորհավորել է այս նախաձեռնությունների հիմնադիր դարձած բոլոր կառավարություններին ու կազմակերպություններին։


















































«Բայազետ հոլլ»-ում հարսանեկան արարողության մասնակիցներից երկու անչափահաս «Ինֆինիտի»-ով վթարի են ենթա...
Հ1-ի տաղավարում ծեծկռտուք է եղել․ «Հրապարակ»
Եթե Հայաստանում իրավիճակն իրոք այնքան լավ է, ինչպես ներկայացվում է, ապա ինչո՞ւ են հազարավոր հայեր գե...
Այսօր խոշոր ավտովթար է տեղի ունեցել Գեղարքունիքի մարզում
Փոխոստիկանապետն ասաց՝ եթե ուզում ես ընտանիքդ ապահով լինի, պիտի ասես, որ դու ես արել. Վալոդյա Գրիգորյ...
Շտապօգնության ավտոմեքենան վրшերթի է ենթարկել փողոցը չթույլատրելի հատվածով անցնող հետիոտնին. վերջինս ...
«Երևան ավտոբուսը»՝ 13 տարեկան անչափահաս աղջկան ավտոբուսից իջեցնելու դեպքի մասին
Վաղարշապատում 15-ամյա աղջիկների վեճը տղայի պատճառով չի եղել. փաստաբանի պարզաբանումը
Ավտոբուսը վարելիս մահացել է 22 համարի երթուղու վարորդը
Մասիս Մելքոնյանին գաղտնալսե՞լ են