Նախկին իշխանությունների օրոք բիզնեսով զբաղված գործարարների գույքն իրավապահների ուշադրության կենտրոնում է․ «Ժողովուրդ»
«Ժողովուրդ» օրաթերթը գրում է. ««Ժողովուրդ» օրաթերթի իշխանություններին մոտ կանգնած աղբյուրների փոխանցմամբ՝ առաջիկայում կարող են ակտիվանալ նախկին իշխանությունների օրոք բիզնես գործունեություն ծավալած մի շարք գործարարների նկատմամբ իրականացվող ուսումնասիրությունները։
Մեր աղբյուրների տեղեկություններով՝ իրավապահ մարմիններն այս պահին ուսումնասիրում են նախկին իշխանությունների կառավարման տարիներին հողատարածքներ ձեռք բերած, այդ տարածքներում շինություններ կառուցած կամ տարբեր բիզնես նախագծեր իրականացրած անձանց գործունեությունը։
Ըստ աղբյուրների՝ որոշ գործարարներ արդեն տեղեկացված են, որ իրավապահները ստուգում են իրենց պատկանող հողատարածքների ձեռքբերման օրինականությունը, ինչպես նաև՝ այն հանգամանքները, թե ինչպես են տվյալ տարածքներում ձևավորվել և զարգացել նրանց բիզնեսները։
Մեր տեղեկություններով՝ ուսումնասիրությունների արդյունքում հնարավոր խախտումներ հայտնաբերելու դեպքում կարող են հաջորդել իրավական գործընթացներ։ Այդ պարագայում դատախազությունը կարող է համապատասխան պահանջներ ներկայացնել՝ ապօրինի ծագում ունեցող գույքի վերադարձի կամ հողատարածքների օտարման հետ կապված։
Աղբյուրների փոխանցմամբ՝ ուսումնասիրությունների շրջանակում կարող են հայտնվել նաև այն գործարարները, որոնք Ռոբերտ Քոչարյանի և Սերժ Սարգսյանի իշխանության տարիներին ոչ միայն բիզնես գործունեություն են ծավալել, այլև ակտիվորեն ներգրավված են եղել քաղաքական գործընթացներում։
Թե կոնկրետ որ անձանց կամ ընկերությունների նկատմամբ կարող են իրականացվել նման գործողություններ, այս պահին հստակ տեղեկություններ չկան։ Իրավապահ մարմինների կողմից այս հնարավոր գործընթացների վերաբերյալ պաշտոնական հաստատում նույնպես առկա չէ»։
Մանրամասները՝ «Ժողովուրդ» օրաթերթի այսօրվա համարում։


















































Իշխանությունն անհանգիստ է ԹՐԻՓՓ-ի համար. «Հրապարակ»
ՔՊ-ն օրակարգ ունի, անկախ նրանից, թե դա իրենց օրակարգն է, թե` Ադրբեջանի. Դանիելյան
ՔՊ-ական նախկին պատգամավորը՝ Կոտայքի մարզպետ
Հայաստանում որոշ կուսակցությունների գործունեությունը կասեցնելու համար հող են պատրաստում. «Հրապարակ»
Խիստ արժանահավատ են դառնում ընդդիմադիր թեկնածուների ու պոտենցիալ թեկնածուների նկատմամբ մարզերում կիրառվող ճնշումների մասին ահազանգերը․ Դանիել Իոաննիսյան
«Բայազետ հոլլ»-ում հարսանեկան արարողության մասնակիցներից երկու անչափահաս «Ինֆինիտի»-ով վթարի են ենթա...
Հ1-ի տաղավարում ծեծկռտուք է եղել․ «Հրապարակ»
Եթե Հայաստանում իրավիճակն իրոք այնքան լավ է, ինչպես ներկայացվում է, ապա ինչո՞ւ են հազարավոր հայեր գե...
Այսօր խոշոր ավտովթար է տեղի ունեցել Գեղարքունիքի մարզում
Փոխոստիկանապետն ասաց՝ եթե ուզում ես ընտանիքդ ապահով լինի, պիտի ասես, որ դու ես արել. Վալոդյա Գրիգորյ...
Շտապօգնության ավտոմեքենան վրшերթի է ենթարկել փողոցը չթույլատրելի հատվածով անցնող հետիոտնին. վերջինս ...
«Երևան ավտոբուսը»՝ 13 տարեկան անչափահաս աղջկան ավտոբուսից իջեցնելու դեպքի մասին
Վաղարշապատում 15-ամյա աղջիկների վեճը տղայի պատճառով չի եղել. փաստաբանի պարզաբանումը
Ավտոբուսը վարելիս մահացել է 22 համարի երթուղու վարորդը
Մասիս Մելքոնյանին գաղտնալսե՞լ են