Գյումրին եղել և մնում է պետականության ու ազգային ոգու ամենաամուր հենարաններից մեկը, Գյումրին պետք է օրեցօր շենանա ու զարգանա. «Ուժեղ Հայաստան»
«Ուժեղ Հայաստան» կուսակցությունն ուղերձ է հղել Գյումրիի օրվա առթիվ։
«Շնորհավո՛ր մեր սիրելի Գյումրու տոնը։ Գյումրին սովորական քաղաք չէ․ Գյումրին բնավորություն է, անկոտրում կամք, անսասան արժանապատվություն ու ազգային ոգի։ Գյումրեցին ուրիշ է՝ իր պարզությամբ, սրտաբացությամբ,հյուրընկալությամբ, բայց ամենակարևորը՝ որևէ դժվարության առաջ չկոտրվելու և ցանկացած փորձությունից հետո ավելի ուժեղ ոտքի կանգնելու իր տեսակով։ Այս քաղաքի հզորությունը հենց իր մարդկանց մեջ է։
Սակայն տարիներ շարունակ զրկանքներ տեսած գյումրեցին այսօր արժանի է ոչ թե լոկ սիրուն խոսքերի, այլ արժանապատիվ ու բարեկեցիկ կյանքի։
Մեր երեխաները պետք է մեծանան սեփական հողում վստահ ապագա ունենալու զգացումով, իսկ Գյումրին պետք է օրեցօր շենանա ու զարգանա։
Մենք չենք գալիս անիմաստ ու փուչ խոստումներով․ մենք մեր խոսքի արժեքը գիտենք և գործով ենք ապացուցել մեր հանձնառությունը։
Այսօր ակնհայտ է՝ ուժեղ և զարգացող համայնքներն են ուժեղ ու անվտանգ պետության միակ հուսալի հիմքը։ Առանց հզոր Գյումրու չի կարող լինել հզոր Հայաստան։
Մեր նպատակն է զարգացնել քաղաքի տնտեսությունը, ստեղծել արժանապատիվ ու բարձր վարձատրվող աշխատատեղեր, որպեսզի գյումրեցին ստիպված չլինի իր հացը վաստակել օտար ափերում։
Այսօր, առավել քան երբևէ, քաղաքական հստակ դիրքորոշում է պետք։ Մեզ անհրաժեշտ է արժանապատիվ խաղաղություն՝ առանց ծնկաչոք ու միակողմանի զիջումների, առանց մեր ազգային ինքնությունից ու պատմությունից հրաժարվելու, առանց մեր հավատքի, հոգևոր արժեքների և Մայր Եկեղեցու դեմ պայքարելու։ Մեզ պետք է այնպիսի խաղաղություն, որը հնարավորություն կտա ապահով, անվտանգ ու հպարտ կառուցել մեր երեխաների ապագան մեր հայրենիքում։
Գյումրին եղել և մնում է պետականության ու ազգային ոգու ամենաամուր հենարաններից մեկը։
Շնորհավո՛ր տոնդ, մեր սիրելի՛ Գյումրի, շնորհավո՛ր տոնդ, հայրաքաղաք։
Ուժեղ Գյումրի՛։ Ուժեղ Հայաստա՛ն»,- ասվում է ուղերձում։


















































Գյումրիում 29-ամյա տղամարդը թմրանյութով փաթեթներ տեղադրելիս ձերբակալվել է․ կալանավորվել է նաև նրան թմրանյութ իրացրած անձը
Գյումրու հիվանդանոցներից մեկում 3-ամյա երեխա է մահացել․ Շիրակի քննչական վարչությունում քննվում է աղջնակի մահվան հանգամանքները
Կարեն Սարուխանյանը նշանակվել է ՀԷՑ-ի` Գյումրու ցանցի պետ
Գյումրու դպրոցականները` WRO Եվրոպայի բաց առաջնության հաղթող
Սողոմոն Թեհլիրյանի՝ աղմուկ բարձրացրած արձանի քանդակագործին շնորհվեց Գյումրու պատվավոր քաղաքացու կոչում. Aravot.am
«Բայազետ հոլլ»-ում հարսանեկան արարողության մասնակիցներից երկու անչափահաս «Ինֆինիտի»-ով վթարի են ենթա...
Հ1-ի տաղավարում ծեծկռտուք է եղել․ «Հրապարակ»
Եթե Հայաստանում իրավիճակն իրոք այնքան լավ է, ինչպես ներկայացվում է, ապա ինչո՞ւ են հազարավոր հայեր գե...
Այսօր խոշոր ավտովթար է տեղի ունեցել Գեղարքունիքի մարզում
Փոխոստիկանապետն ասաց՝ եթե ուզում ես ընտանիքդ ապահով լինի, պիտի ասես, որ դու ես արել. Վալոդյա Գրիգորյ...
Շտապօգնության ավտոմեքենան վրшերթի է ենթարկել փողոցը չթույլատրելի հատվածով անցնող հետիոտնին. վերջինս ...
«Երևան ավտոբուսը»՝ 13 տարեկան անչափահաս աղջկան ավտոբուսից իջեցնելու դեպքի մասին
Վաղարշապատում 15-ամյա աղջիկների վեճը տղայի պատճառով չի եղել. փաստաբանի պարզաբանումը
Ավտոբուսը վարելիս մահացել է 22 համարի երթուղու վարորդը
Մասիս Մելքոնյանին գաղտնալսե՞լ են